សមត្ថកិច្ចបានឱ្យដឹងថា អគ្គីភ័យបានឆាបឆេះ ឃ្លាំងស្តុកបាឡែតឈើ ដែលសង់ពីដែក ប្រក់ដំបូលសង្គ័សី ទំហំ២០ម៉ែត្រx៤០ម៉ែត្រ ទាំងស្រុង ដែលមានម្ចាស់ ឈ្មោះ ចេង លីហេង ភេទប្រុស អាយុ៣៣ ឆ្នាំ និង ឆេះផ្ទះឈើប្រក់ស័ង្កសី ទំហំ ០៦ម៉ែត្រx២០ម៉ែត្រ អស់ចំនួន ០១ខ្នង, ឆេះបន្ទប់ជួល ទំហំ០៣ម៉ែត្រx០៤ម៉ែត្រ ចំនួន ១៩ បន្ទប់ និងឆេះរោលជញ្ចាំងផ្ទះថ្មបេតុង ចំនួន ០២ ល្វែង (ឆេះរោលប្រហែល ៤០%) ។ ចំពោះមូលហេតុ កំពុងស្រាវជ្រាវ ។
សមត្ថកិច្ច បានធ្វើកិច្ចអន្តរាគមន៍អស់រយៈពេល ប្រហែល៧ម៉ោង និងប្រើប្រាស់រថយន្តពន្លត់អគ្គីភ័យ បាញ់ទឹក ប្រហែល៣០០ឡាន ទើបអគ្គីភ័យបានរលត់ជាស្ថាពរ នៅម៉ោង១១និង២០នាទីយប់ ថ្ងៃខែឆ្នាំដដែល ដោយពុំបណ្ដាលឱ្យមានស្លាប់ ឬរបួសនោះទេ ៕
