រថយន្តកាំម៉ារីបាឡែន បុកគូថរថយន្ដកុងតឺន័រពីក្រោយពេញទំហឹង បណ្ដាលឲ្យរងការខូចខាតយ៉ាងដំណំ

ភ្នំពេញ៖ រថយន្តកាម៉ារីបាឡែនមួយគ្រឿង បេីកបរដោយបុរសម្នាក់ ទំនងជាស្រវឹងស្រា បានបេីកទៅបុកនិងគូថ រថយន្តសណ្តោងកុងតឺន័រពីក្រោយពេញទំហឹង បណ្ដាលឲ្យរថយន្តបាឡែនខ្ទេចស្រុញផ្នែកខាងមុខ រងការខូចខាតយ៉ាងដំណំ ចំនែករថយន្តកុងតឺន័រមិនបានឈប់ទេ បានបន្ថែមល្បឿនបេីកចូលទៅក្នុងក្រុងភ្នំពេញបាត់ស្រមោលហេតុការណ៍នេះបានកេីតឡេីងនៅវេលាម៉ោង១១និង៣០នាទីយប់ ថ្ងៃទី២៣ ខែមិនា ឆ្នាំ២០២០ ជិតនិងស្ពានមុនីវង្សចាស់ តាមបណ្ដោយផ្លូវជាតិលេខ១ ស្ថិតក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។

តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់ទំនងជាស្រវឹងស្រា បានបេីករថយន្ត ម៉ាក កាំម៉ារី បាឡែន ពណ៌ស ពាក់ស្លាកលេខ ភ្នំពេញ 2BE- 7812 ធ្វើដំណើរតាម បណ្ដោយផ្លូវជាតិលេខ១ ក្នុងទិសដៅ ពីកេីតទៅលិច ខណះមកដល់ចំណុចកេីតហេតុខាងលេី ស្រាប់តែ ជ្រុលចង្កូតទៅបុក គូថរថយន្ដ សណ្តោងកុងតឺន័រ មិនចាំម៉ាក ពីក្រោយ ពេញទំហឹង ដែលធ្វើដំណើរស្របទិសគ្នា បណ្តាលឲ្យរថយន្ត កាម៉ារីបាឡែន ខ្ទេចស្រុញផ្នែកខាងមុខ រងការខូចខាតយ៉ាងដំណំ ព្រមទាំងធ្វើអោយ អ្នកបេីកប រថយន្ដរងរបួស បន្តិចបន្តួចផងដែរ ។

ដោយឡែករថយន្តសណ្តោងកុងតឺន័រ អត់មានរងការខូចខាតអ្វីនោះទេ ហើយក៍បានបន្ថែមល្បឿនបេីកចូលមកក្រុងភ្នំពេញបាត់ស្រមោល ។ ក្រោយពេលកេីតហេតុ សមត្ថកិច្ចមូលដ្ឋានក៍ដូចជាជំនាញចរាចរណ៍ខណ្ឌច្បារអំពៅ បានចុះទៅកន្លែងកើតហេតុ ដេីម្បីពិនិត្យមេីល រួចហើយក៍បានអោយ តំណាងម្ចាស់រថយន្ត ហៅរថយន្តមកស្ទូចយកទៅជួសជុលដោយខ្លួនឯង ។