.png)
ហេតុការណ៍នេះបានកើតឡើងកាលពីវេលាម៉ោង១នឹង៤៥នាទីរំលងអាធាត្រឈានចូលថ្ងៃទី២៧ខែមេសាឆ្នាំ២០២០តាមបណ្តោយផ្លូវលេខ១៥៤នៅចំណុចហាងយីហោ(ម៉ៅឃៀកនៅកម្ពុជាជាក្រុមហ៊ុនខ្សែកាបនឹងអុបទិច)ស្ថិតនៅក្នុងសង្កាត់បឹងរាំងខណ្ឌដូនពេញ។
តាមប្រភពព័ត៌មានពីសាក្សីដែលឃើញហេតុការណ៍សូមមិនបញ្ចេញឈ្មោះបានអោយដឹងថាមុនពេលកើតហេតុខាងលើនេះគេបានឃើញក្រុមជនជាតិចិនចំនួន២ក្រុមមួយក្រុមមានគ្នាជិត១០នាក់អង្គុយផឹកសុីនៅមុខហាងលើផ្លូវលេខ១៥៤នឹងមួយក្រុមទៀតមានគ្នាជាង៦នាក់ក៏អង្គុយផឹកនៅមុខហាង(ម៉ៅឃៀកនៅកម្ពុជាជាក្រុមហ៊ុនខ្សែកាបនឹងអុបទិច)ប៉ុន្តែជនជាតិចិនដែលអង្គុយផឹកមុខហាងអុបទិចនោះបានដើរទៅជល់កែវគ្នាជាមួយនឹងភាគីម្ខាងទៀតហើយពេលភ្លាមៗនោះមិនដឹងជាទាក់ពាក្យសំដីជាមួយនរណាក្នុងចំណោមអ្នកផឹកសុីនោះទេបានជាភាគីម្ខាងដែលមានគ្នាជាង១០នាក់ពួតគ្នាវាយជនជាតិចិនដែលមានគ្នា៦នាក់បណ្តាលអោយបាក់កៅអីចំនួនមួយនឹងរបួសដៃម្នាក់ហើយភាគីបង្កបានរត់គេចខ្លួនបាត់ស្រមោលរីឯខាងជនរងគ្រោះក៏មិនបានដាក់ពាក្យប្តឹងអីនោះទេ។
ក្រោយពេលកើតហេតុខាងលើនេះជនរងគ្រោះដែលត្រូវបានរងរបួសត្រូវបានមិត្តភ័ក្រដឹកយកទៅព្យាបាលនៅមន្ទីរពេទ្យដែលនៅក្បែរនឹងកន្លែងកើតហេតុតែម្តង៕
