.png)
យោងតាមសម្ដីប្រជាពលរដ្ឋដែលឃេីញហេតុការណ៍ខាងលេីបានឲ្យដឹងថា ដំបូងឡេីយគេបានឃេីញបុរសម្នាក់ជិះម៉ូតូធុនធំមួយគ្រឿង មិនស្គាល់ម៉ាក និងស្លាកលេខ (ត្រូវភ្លេីងឆេះខ្ទេច) បានធ្វេីដំណេីរតាមបណ្ដោយផ្លូវវេងស្រេង ទិសដៅពីកេីតមកលិច ខណៈមកដល់ចំណុចកេីតហេតុក៏បានបត់ឆ្វេងបំណងទៅផ្លូវផ្សារដីថ្មី គ្រានោះក៏មានរថយន្តសណ្ដោងកុងតឺន័រធុនធំមួយគ្រឿង ពាក់ស្លាកលេខ ភ្នំពេញ 4A-5563 ធ្វេីដំណេីរតាមបណ្ដោយផ្លូវវេងស្រេង ទិសដៅពីលិចមកកេីតក្នុងល្បឿនលឿនល្មម ក៏ជ្រុលទៅបុកម៉ូតូខាងលេីចំពីចំហៀងពេញទំហឹង បណ្ដាលឲ្យបុរសម្នាក់ជាម្ចាស់ម៉ូតូរងរបួសធ្ងន់ធ្ងរ រីឯរថយន្តបង្កបានកិនម៉ូតូអូសប្រហែល១០ម៉ែត្រ ធ្វេីឲ្យបែកផ្កាភ្លេីងឆាបឆេះរថយន្តនិងម៉ូតូយ៉ាងសន្ធោសន្ធៅតែម្ដង ។
គ្រានោះដែរអ្នកជិតខាងបានយកបំពង់ពន្លត់អគ្គីភ័យជាច្រេីនមកបាញ់ តែមិនរលត់ ទេីបមានកម្លាំងសមត្ថកិច្ចកងរាជអាវុធហត្ថរាជធានីភ្នំពេញចេញរថយន្តពន្លត់អគ្គីភ័យមកជួយអន្តរាគមន៍ និងមានការសហការជាមួយរថយន្តពន្លត់អគ្គីភ័យរបស់ស្នងការនគរបាលរាជធានី បាញ់ទឹកពន្លត់អស់ចំនួន៣គ្រឿង ទេីបរលត់ទៅវិញជាស្ថាពរ ។
គួរបញ្ចាក់ថា ក្នុងករណីខាងលេីនេះផ្ដេីមចេញពីគ្រោះថ្នាក់ចរាចរណ៍រហូតបង្កជាអគ្គីភ័យ បណ្ដាលឲ្យបុរសម្នាក់រងរបួសធ្ងន់បញ្ចូនទៅកាន់មន្ទីពេទ្យ និងធ្វេីឲ្យឆេះរថយន្តបង្កអស់មួយកំណាត់មុខ និងខ្ទេចម៉ូតូធំមួយគ្រឿងទាំងស្រុង ៕
