.png)
ជាមួយគ្នានឹងវត្តមានភ្ញៀវទេសចរណ៍មកកម្សាន្តនេះដែរ ក៏មានអាជ្ញាធរបានបន្តផ្សព្វផ្សាយអប់រំដល់ប្រជាពលរដ្ឋ ជាអ្នកទេសចរណ៍អោយចូលរួមក្នុងវិធានការការពារទប់ស្កាត់ការឆ្លងជំងឺកូវីដ១៩ផងដែរ ។ទោះបីជាយ៉ាងណា ប្រជាពលរដ្ឋដែលមកលេងកម្សាន្តតាមតំបន់ឆ្នេរសមុទ្រ ឃុំជ្រោយស្វាយ ខាងលើនៅតែមានការការពារយ៉ាងយកចិត្តទុកដាក់ ដោយមានដាក់អាកុលតាមខ្លួន ជាពិសេសការធ្វើអនាម័យដោយលាងដៃឲ្យបានញឹកញាប់តាមការណែនាំរបស់ក្រសួងសុខាភិបាល ។
ពួកគាត់បានបន្ថែមថា ទោះបីជាមានប្រជាពលរដ្ឋមកលេងកម្សាន្តនៅតំបន់ឆ្នេរសមុទ្រក៏ពិតមែន តែបើប្រៀបធៀបទៅនឹងកាលមិនទាន់ផ្ទុះជំងឺកូវីដ១៩ គឺមានចំនួនខុសគ្នាច្រើន ដែលគិតមកដល់ពេលនេះហាក់មានភ្ញៀវទេសចរចាប់ផ្ដើមមកលេងកំសាន្តជាបណ្ដើរៗហើយ ច្រើនខុសភ្លែកធម្មតា ។ លោក ប៉ុន រ៉េ មេឃុំ ជ្រោយស្វាយ បញ្ជាក់ថា ចំពោះសុវត្ថិភាពភ្ញៀវទេសចរទាំងអស់ គឺទទួលបាន សុខសុវត្ថិភាពល្អប្រសើរ មិនមានអ្វីកើតឡើងឡើយ ។
