.png)
តាមប្រភពព័ត៌មានពីកន្លែងកើតហេតុបានប្រាប់ឱ្យដឹងថា មុនពេលកើតហេតុ បុរសវ័យចំណាស់រងគ្រោះបានជិះម៉ូតូម៉ាក ហុងដា C125 ព៌ណខ្មៅ ពាក់ស្លាកលេខកណ្តាល១-៣៦៣០ ក្នុងទិសដីពីកើតទៅលិច ក៏ស្រាប់តែមានរថយន្តម៉ាកព្រុស ព៌ណក្រហម ពាក់ស្លាកលេខភ្នំពេញ ២R-៣០៦៤ បើកបរដោយបុរសម្នាក់បោះពួយក្នុងល្បឿនយ៉ាងលឿនចេញពីក្នុងកោះ ពេជ្រឡើងតាមស្ពាននាគចេញមកបុកពីក្រោយពេញទំហឹងបណ្តាលអោយរូបគាត់បែកក្បាលហូរឈាមរងរបួសយ៉ាងធងន់ធ្ងរតែម្តង។ភ្លាមនោះររថយន្តបង្ករមិនបានឈប់ទេ និងបានបើករត់គេចខ្លួន តែត្រូវបានអ្នកតំណើរតាមផ្លូវបានឃើញនាំគ្នាជិះម៉ូតូដេញតាមរហូតទៅដល់ម្តុំខាងក្រោយព្រះបរមរាជវាំងទើបតាមទាន់និងឃាត់ទាំងរថយន្តបង្ករ និងបុរសជាអ្នកបើកបរ ប្រគល់អោយកម្លាំងមានសម្ថកិច្ចមូលដ្ឋានដែលនៅក្បែរនោះ។
ក្រោយពេលកើតហេតុ បុរសវ័យចំណាស់រងគ្រោះត្រូវបានកម្លាំងមានសម្ថកិច្ចហៅរថយន្តសាមុយរបស់មន្ទីរពេទ្យកាល់ ម៉ែត្រអោយមកដឹងយកទៅសង្គ្រោះ ចំណែកឯរថយន្តម៉ាកព្រុសបង្ករ និងបុរសជាអ្នកបើកបររថយន្តក៏បានបញ្ជូនយកទៅ កាន់អធិការដ្ឋាននគរបាលខណ្ឌដូនពេញ ដើម្បីរង់ចាំធ្វើការដោះស្រាយគ្នាជាបន្តទៅទៀត។
