.png)
ខេត្តប៉ៃលិន ៖ កាលពីថ្ងៃច័ន្ទ ៨កើត ខែមិគសិរឆ្នាំជូត ទោស័ក ព.ស. ២៥៦៣ ត្រូវនឹងថ្ងៃទី២៣ ខែវិច្ឆិកា ឆ្នាំ២០២០ កន្លងទៅនេះលោកជំទាវបណ្ឌិត បាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជាខេត្តប៉ៃលិន បានអញ្ជើញដឹកនាំក្រុមការងារបើកកិច្ចប្រជុំ គណៈកម្មាធិការសាខាខេត្ត អនុសាខា និងមន្រ្តីប្រតិបត្តិសាខាស្តីពីការបូកសរុបរបាយកាណ៍ប្រចាំខែវិច្ឆិកា ឆ្នាំ២០២០ និងលើកទិសដៅបន្តទៀត ដើម្បីត្រៀមលក្ខណៈជួយសង្រ្គោះប្រជាពលរដ្ឋរងគ្រោះ ។
សូមបញ្ជាក់ផងដែរថា ចាប់តាំងពីដើមឆ្នាំរហូតដល់ចុងឆ្នាំ២០២០នេះ ក្រុមការងារសាខាកាកបាទក្រមកម្ពុជាខេត្តប៉ៃលិន បានសស្រាក់ស្រាំជួយផ្តល់ស្បៀងអាហារដូចភ្លៀងរលឹម ជូនដល់ប្រជាពលរដ្ឋក្រីក្រ ខ្វះខាត មានជម្ងឺរោគាត្រូវសង្គ្រោះបន្ទាន់ ដោយបញ្ជូនទៅព្យាបាលនៅមន្ទីពេទ្យ ជួយដល់គ្រួសារសពដែលទទួលមរណភាពដោយជម្ងឺ ប្រជាពលរដ្ឋរងគ្រោះធម្មជាតិដោយសារភ្លើងឆេះផ្ទះ រងគ្រោះដោយភ្លៀងលាយឡំនឹងខ្យល់កន្ត្រាក់ ព្រមទាំងរងគ្រោះទឹកជំនន់កាលពីពេលថ្មីៗ នេះផងដែរ ជាពិសេសគឺជួយដល់ប្រជាពលរដ្ឋដែលកំពុងរងគ្រោះដោយសារជួបវិបត្តិកូវីដ ១៩តែម្តង ៕
