.png)
ក្រោយពីមានសេចក្តីប្រកាសព័ត៍មានឲ្យតាមគ្រឹះស្ថានរដ្ឋ និងឯកជន ធ្វើយ៉ាងណាបង្ការការពារ ទប់ស្កាត់ ជម្ងឺកូវីដ ១៩ នៅតាមសាលារៀនឲ្យខ្ជាប់ខ្ជួន ខណៈបច្ចុប្បន្ន មានការផុសរកឃើញអ្នកផ្ទុកជម្ងឺកូវីដជាបន្តបន្ទាប់ ជាក់ស្ដែង ក្នុងខេត្តកំពង់ចាម វិទ្យាល័យ ព្រះសីហនុ បានអនុវត្តន៍វិធានការរការពារ បាញ់អាល់កុល និងបានឲ្យសិស្សានុសិស្សពាក់ម៉ាស់ការពារជាប្រចាំមុនចូលទៅក្នុងបរិវេណសាលា។
ក្នុងវិទ្យាល័យព្រះសីហនុ បានអនុវត្តន៍នូវវិធានការពារ ការឆ្លងរីករាលដាលជម្ងឺកូវីដ បើតាមលោក ថាវ សុខផល នាយក វិទ្យាល័យ ព្រះសីហនុ បានអោយដឹងថា នៅតាមច្រកទ្វារទាំងបីបានឲ្យអ្នកគ្រូលោកគ្រូវាស់កម្តៅ បាញ់អាល់កុល និងឲ្យសិស្សានុសិស្សត្រូវពាក់ម៉ាស់ជានិច្ច បើមិនមានម៉ាស់ត្រូវយករកពាក់ជាមុនសិនទើបអនុញ្ញាត្តិឲ្យចូលរៀនធម្មតា។ លោកនាយកវិទ្យាល័យបានបន្ថែមទៀតថា ក្នុងជាគណៈគ្រប់គ្រងសាលាបានប្រជុំដល់លោកគ្រូអ្នកគ្រូតាមថ្នាក់ ក៍ដូចគ្រូតាមមុខវិជ្ជាធ្វើយ៉ាងណារឹងបន្តឹងនូវការអនុវត្តន៍ផ្សព្វផ្សាយ ដល់សិស្សតាមថ្នាក់ឲ្យការពារជម្ងឺកូវីដដោយត្រូវអនាម័យខ្លួនឯង។
គូសបញ្ជាក់ផងដែរថា នៅតាមដងផ្លូវក្នុងបរិវេណសាលាវិទ្យាល័យព្រះសីហនុ ក៍មានការនូវកន្លែងលាងដៃ សាប៊ូ ជាប្រចាំ ដើម្បីឲ្យសិស្សានុសិស្សមុនពេលចូលបន្ទប់រៀន និងក្រោយចេញពីបន្ទប់រៀនត្រូវលាងសម្អាតដៃជាប្រចាំ។
មិនត្រឹម តែប៉ុណ្ណោះ គណគ្រប់គ្រងសាលាបានផ្សព្វផ្សាយដល់អាណាព្យាបាលសិស្សធ្វើលទ្ធភាពដែលមានត្រូវមានទឹកអាលកុលឬទឹកជេល មានពាក់ម៉ាស់ឲ្យកូនមានក្នុងកាបូបជាប់ជានិច្ចផងដែរ៕
