ភ្ភ្នំពេញ៖ រថយន្តយីឌុបមួយគ្រឿង បេីកបរដោយបុរសម្នាក់ក្នុងល្បឿនលឿន និងមិនប្រយ័ត្នបានជ្រុលទៅបុករថយន្តដឹកកកពីក្រោយពេញទំហឹង បណ្ដាលឲ្យរថយន្តដឹកទឹកកកក្រឡាប់ផ្ងារជើង មួយចំហៀង បង្កការភ្ញាក់ផ្អេីលកាលពីវេលាម៉ោង៩យប់ ថ្ងៃទី២៦ ខែមករា ឆ្នាំ២០២១ នៅបណ្ដោយផ្លូវ៦០ម៉ែត្រ កែងផ្លូវបេតុងផ្សារក្រមួន ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។ តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញ បុរសម្នាក់ បានបេីករថយន្តឃ្លុបដឹកទឹកកក ម៉ាក KAI FRONTIER ពណ៌ស ពាក់ស្លាកលេខ ភ្នំពេញ 2AJ- 1835 បានបេីកធ្វើដំណើរតាមបណ្ដោយផ្លូវ៦០ម៉ែត្រ ក្នុងទិសដៅ ពីជេីងទៅត្បូង លុះមកដល់ចំនុចកេីតហេតុ ក៍បានស៊ីញ៉ូបត់ឆ្វេង គោលបំណងចូលទៅផ្លូវបេតុង ក្រោយផ្សារក្រមួន ស្រាប់តែរថយន្តបត់បានបន្តិច ក៍មានបុរសម្នាក់ទៀត បានបេីករថយន្តយីឌុប ម៉ាក ហ៊ីយ៉ាន់ដាយ ពណ៌សលាយបៃតង ពាក់ស្លាកលេខ ព្រះសីហនុ 3A-0586 ធ្វើដំណើរក្នុងទិសដៅស្របគ្នា ក្នុងល្បឿនយ៉ាង លឿន ខ្វះការប្រុងប្រយ័ត្ន ជ្រុលទៅបុក រថយន្តឃ្លុបដឹកទឹកកក ពីក្រោយពេញទំហឹង បណ្ដាលឲ្យក្រឡាប់ផ្ងារជើងមួយចំហៀងខាងស្ដាំ ព្រមទាំងធ្វើឲ្យអ្នកបេីករថយន្ត រងរបួសតិចតួច តែមិនបានទៅមន្ទីរពេទ្យទេ។ ដោយឡែករថយន្តយីឌុបវិញ រងការខូចខាតផែ្នកខាងមុខចំហៀងខាងឆ្វេងផងដែរ ។
ក្រោយមក ឃើញមានកម្លាំងសមត្ថកិច្ច មូលដ្ឋានក៍ដូចជាជំនាញចរាចរណ៍ខណ្ឌមានជ័យ បានចុះទៅកន្លែងកើតហេតុ រួចហើយបានបាញ់ថ្នាំ និងធ្វេីការវាស់វែង ស្ទូចយករថយន្តដាក់គៀន កុំឲ្យមានការកកស្ទះចរាចរណ៍ដល់អ្នកដំណើរដទៃទៀត ព្រមទាំងឲ្យភាគីទាំងសងខាងសម្របសម្រួលគ្នាផងដែរ ។ចុងក្រោយ ភាគីទាំងសងខាង បានសម្របសម្រួល ដោយខាងរថយន្តយីឌុប បានព្រមសងថ្លៃខូចខាតទៅលេីរថយន្ត ដឹកទឹកកក ចំនួន៥០០ដុល្លារ ដេីម្បីបញ្ចប់រឿងនៅនឹងកន្លែង៕
