.png)
ភ្នំពេញ៖ បុរសម្នាក់សង្ស័យស្រវឹងបេីករថយន្តក្នុងល្បឿនលឿនដូចហោះក៏ជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យរលំក្បាលនាគមួយកង់ចំណែករថយន្តក្រឡាប់ជាច្រេីនជុំបណ្តាលឲ្យរងការខូចខាតយ៉ាងដំណំ។ ហេតុការណ៍នេះបានកេីតឡេីងកាលពីវេលាម៉ោង១១និង២០នាទីយប់ ថ្ងៃទី២២ ខែកុម្ភះ ឆ្នាំ២០២១ នៅចំណុចស្តុបអិនធឺខន តាមបណ្តោយផ្លូវមុនីរ៉េត ស្ថិតក្នុងសង្កាត់ទួលស្វាយព្រៃទី២ ខណ្ឌបឹងកេងកង។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញបុរសសង្ស័យស្រវឹងជោគជាំ បានបេីករថយន្តឡិចស៊ីស RX300 ពណ៌ស ពាក់ស្លាកលេខភ្នំពេញBD 1220 បេីកបរតាមបណ្តោយផ្លូវមុនីរ៉េតក្នុងទិសដៅពីលិចទៅកេីតក្នុងល្បឿនលឿនដូចហោះខណះមកដល់ចំណុចកេីតហេតុក៏រ៉េចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យរលំក្បាលនាគមួយកង់ ចំណែករថយន្តក្រឡាប់ផ្ងាជេីងបណ្តាលឲ្យរងការខូចខាតយ៉ាងដំណំ សំណាងល្អមិនមានមនុស្សរងរបួស។ ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុនិងទាក់ទងទៅជំនាញមកស្ទូចរថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយតាមច្បាប់៕
