ថ្ងៃអង្គារ ទី ២៤ តុលា ២០២៣៖ ទើបក្តោបបានប្រជាប្រិយភាពលើទីផ្សារការងារសិល្បៈ តារាសម្តែងពន្លកថ្មីរូបស្អាត កញ្ញា អូន បូរមី ដែលទើបគ្រងតំណែងជាតួឯកស្រីក្នុង MV ចម្រៀង និងភាពយន្តភាគខ្មែរជាច្រើនរឿង ស្រាប់តែបាត់មុខឈឹងពីកញ្ចក់ទូរទស្សន៍ និងការបង្ហាញមុខក្នុងកម្មវិធីកម្សាន្តផ្សេងៗ ដែលធ្វើឱ្យហ្វេនៗរបស់ បូរមី ក៏ដូចជាមហាជនលើបណ្តាញសង្គម មានចម្ងល់ជាខ្លាំង។
អូន បូរមី បានកំពុងសម្ងំព្យាបាលជម្ងឺសន្លាក់ជង្គង់មានទឹកដក់
ដែលធ្វើឱ្យជើងទាំង២ របស់នាងហើយ ដើរលែងរួច ដោយត្រូវវះកាត់បូមទឹកចេញក្នុងកម្រិតបន្ទាន់។
ជាហេតុធ្វើឱ្យនាងត្រូវគេងលើគ្រែសម្រាកព្យាបាលមួយរយៈកាល
ទម្រាំតែសុខភាពអាចត្រឡប់មកដូចដើម ក្រោយការវះកាត់។
នេះជារឿងហេតុពីក្រោយការបាត់មុខរបស់
បូរមី ដែលខ្លួនកំពុងជួបទុក្ខធំ
និងត្រូវរ៉ាប់រងថ្លៃចំណាយលើការព្យាបាលជាច្រើនតែម្នាក់ឯង
ខណៈពេលការងារសិល្បៈដែលនាងទទួលបានក្នុងដៃ បែរត្រូវរាំងស្ទះយ៉ាងខ្លាំង។
អូន បរមី
បានជូនដំណឹងមកកាន់ក្រុមអ្នកសារព័ត៌មានប៉ុស្តិ៍លេខ៥ថា បន្ទាប់ពីស្ថានភាពជម្ងឺបានធូរស្បើយ
រូបនាងនឹងត្រឡប់មកទទួលការងារថតពេញដៃពេញជើងឡើងវិញ។
សព្វថ្ងៃនាងកំពុងប្រឹងប្រែងចាប់កាសការងារ
ដើម្បីរកលុយទំនុកបំរ៉ុងគ្រួសារ ដោយមានអ្នកម្តាយជាស្ដ្រីមេម៉ាយ
និងការសម្រេចក្តីស្រមៃរបស់ខ្លួនលើវិថីសិល្បៈក្នុងនាមជាមនុស្សស្រីរឹងមាំម្នាក់។
