ខេត្តកំពត ៖
នៅថ្ងៃទី១៨ខែសីហាឆ្នាំ២០២៤ វេលាម៉ោង២៣និង១៥នាទីយប់ មានករណីគ្រោះថ្នាក់ចរាចរណ៍មួយ បានកើតឡើងរវាងម៉ូតូនិងម៉ូតូ លើផ្លូវជាតិលេខ៣៣ ចន្លោះបង្គោល គីឡូម៉ែត្រលេខ៥០-៥១ ស្ថិតនៅភូមិលក ឃុំឬស្សី ស្រុកខាងលិច ស្រុក កំពង់ត្រាច ខេត្តកំពត ទិសដៅបញ្ច្រាសទិសគ្នាពីត្បូងទៅជើង ។
គ្រោះថ្នាក់ចរាចរណ៍នោះ បង្កឡើងដោយភាគីម៉ូតូម៉ាកវេវ ពណ៌ខ្មៅលាយស គ្មានផ្លាក លេខ បើកបរដោយឈ្មោះយិនជឿង ភេទប្រុស អាយុ៣២ឆ្នាំ របួសធ្ងន់មានស្រុកកណើត នៅខេត្តបាក់លាវ ប្រទេសវៀតណាម បច្ចុប្បន្នស្នាក់នៅ បណ្តោះអាសន្នភូមិលក ឃុំឬស្សី ស្រុកខាងលិច ស្រុកកំពង់ត្រាចខេត្តកំពត ដោយម៉ូតូវេវ បើកទិសដៅពីត្បូងទៅជើង ។
លុះមកដល់ចំណុចកើតហេតុខាងលើ បានបត់ឆ្វេងខ្វះការប្រុងប្រយ័ត្ន ក៏បានបុកគ្នាពេញទំហឹង ជាមួយម៉ូតូ១គ្រឿងទៀត ម៉ាកវីនណ័ ពណ៍ខ្មៅ គ្មានផ្លាកលេខ បើកបរដោយឈ្មោះ សេង វីត ភេទប្រុស អាយុ២៣ឆ្នាំ ស្លាប់នៅមន្ទីរពេទ្យឯកជនព្រែកចាក ហើយជនរងគ្រោះ មានទីលំនៅភូមិលក ឃុំឬស្សីស្រុកខាងលិច ស្រុកកំពង់ត្រាច ខេត្តកំពត ។
សាកសព បានប្រគល់ឲ្យសាច់ញាតិយកទៅធ្វើបុណ្យតាមប្រពៃណី។ ចំណែកអ្នករងរបួសត្រូ វបានសាច់ញាតិដឹកយកទៅសង្រ្គោះនៅមន្ទីពេទ្យប្រទេសវៀតណាម ។ ចំពោះវត្ថុតាងម៉ូតូទាំង២គ្រឿង ត្រូវបានយកមករក្សាទុកនៅប៉ុស្តិ៍នគរបាលរដ្ឋបាលឃុំឬស្សី ស្រុកខាងលិច ជាបណ្តោះអាសន្ន ៕
