ខេត្តបាត់ដំបង៖

ការ៉ាស់សាំងសូគីម៉ិចមួយកន្លែង ត្រូវបានអគ្គិភ័យឆាបឆេះ បង្កការភ្ញាក់ផ្អើលនៅវេលាម៉ោងប្រហែល១៩និង៣០នាទីយប់ថ្ងៃទី២១ ខែសីហា ឆ្នាំ២០២៤ ស្ថិតនៅចំណុចក្រុមទី១៣ ភូមិកសិកម្ម ឃុំតាពូង ស្រុកថ្មគោល ខេត្តបាត់ដំបង ។ 

សមត្ថកិច្ច បានបញ្ជាក់ថាការ៉ាស់សាំង ដែលត្រូវអគ្គិភ័យឆាបឆេះខាងលើ ជារបស់ក្រុមហ៊ុនសូគីម៉ិច ដែលមានមេការឈ្មោះ រ៉ែន រ៉ាត់ ភេទប្រុស អាយុ៣៥ឆ្នាំ រស់នៅភូមិកសិកម្ម ឃុំតាពូង ស្រុកថ្មគោល ខេត្តបាត់ដំបង ដែលផ្តើមឡើងដោយសារឆ្លងចរន្តឆ្នាំងដាំបាយអគ្គីសនី ទើបបណ្តាលឲ្យឆេះរាលដាលដល់ការ៉ាស់សាំង ឆេះចង្ក្រានហ្គាសឆ្នាំងដាំបាយ រួមជាមួយសម្ភារៈប្រើប្រាស់មួយចំនួន និង បណ្តាលឲ្យបុរសជាមេការឈ្មោះ រ៉ែន រ៉ាត់ រងរបួសស្រាល ។

ក្នុងហេតុការណ៍គ្រោះអគ្គិភ័យខាងលើនេះដែរ ភ្លាមៗនោះ សមត្ថកិច្ចបានចេញរថយន្តពន្លត់អគ្គិភ័យចំនួន០១គ្រឿងក្នុងការចុះអន្តរាគមន៍ពន្លត់ ដោយប្រើប្រាស់ទឹកអស់ចំនួន០១រថយន្ត ទើបគ្រប់គ្រងស្ថានភាពបាន មិនឲ្យរាលដាលបន្តទៀត ៕