លោកប្រធានាធិបតី ពូទីន ប្រកាសសងសឹកចំពោះការវាយប្រហារនៅតំបន់ ឃឺក

លោកប្រធានាធិបតីប្រទេសរុស្ស៊ី វ្ល៉ាឌីមៀ ពូទីន បានប្រកាសថានឹងផ្តន្ទាទោសការវាយលុកនៅក្នុងតំបន់ ឃឺក (Kursk) ដោយកងកម្លាំងអ៊ុយក្រែន ព្រមទាំងប្រដូចការវាយប្រហារនេះ ទៅនឹងការចាប់ចំណាប់ខ្មាំងនៅក្នុងសាលា ប៊េសឡាន (Beslan) កាលពីឆ្នាំ 2004 ដែលក្រុមសកម្មប្រយុទ្ធបានចាប់កុមារ ឪពុកម្តាយ និងគ្រូបង្រៀនប្រមាណ 1100 នាក់ ជាចំណាប់ខ្មាំងដើម្បីឲ្យរុស្ស៊ីដកកងទ័ពចេញពីតំបន់ ឆេចយ៉ា ដែលចុងក្រោយសម្លាប់ជិវិតមនុស្សប្រមាណ 330 នាក់ ក្នុងនោះមានកុមារ 186 នាក់នោះ ។