.png)
បាត់ដំបង ៖
កម្លាំងបញ្ជាការដ្ឋានកងរាជអាវុធហត្ថខេត្តបាត់ដំបង បានចុះធ្វើការបង្ក្រាបឃាត់ខ្លួនជនសង្ស័យ០៤ នាក់ពាក់ព័ន្ធក្នុងករណីជួញដូរ និងប្រើប្រាស់ដោយខុសច្បាប់នូវសារធាតុញៀន ។
កិច្ចចុះប្រតិបត្តិការខាងលើនេះ ធ្វើឡើងនៅវេលាម៉ោង១៦និង៣០នាទី ថ្ងៃទី១៨ ខែសីហា ឆ្នាំ២០២៤ នៅចំណុចភូមិតាព្រួច សង្កាត់ក្តុលដូនទាវ ក្រុងបាត់ដំបង ដោយបានឃាត់ខ្លួនជនសង្ស័យចំនួន ០៤ នាក់រួមមាន៖
១-ឈ្មោះ កែវ រតនៈ ភេទប្រុស អាយុ២៥ឆ្នាំ មុខរបរជាងឈើ មានទីលំនៅភូមិចំការសំរោង សង្កាត់ចំការសំរោង១ ក្រុងបាត់ដំបង ២-ឈ្មោះ ជា សុវណ្ណ ភេទប្រុស អាយុ ២៣ឆ្នាំ មុខរបរគ្មាន រស់នៅភូមិស្លាកែត សង្កាត់ស្លាកែត ក្រុងបាត់ដំបង
៣-ឈ្មោះ ជា សុធារ៉ា ភេទប្រុស អាយុ ២៧ឆ្នាំ មុខរបរ រើសអេតចាយ រស់នៅភូមិស្លាកែត សង្កាត់ស្លាកែត ក្រុងបាត់ដំបង ;/៤-ឈ្មោះ ផាន់ សុលាង ភេទប្រុស អាយុ ៣៣ឆ្នាំ មុខរបរ កម្មករ រស់នៅភូមិព្រៃកូនសេក សង្កាត់អូរចារ ក្រុងបាត់ដំបង ។
ចំពោះវត្ថុតាងដកហូតរួមមាន៖
-គ្រឿងញៀនម្សៅក្រាម ពណ៌សថ្លា (ice) ចំនួន ០៧កញ្ចប់ ទម្ងន់ ២៣.២៦ក្រាម
-ទូរស័ព្ទដៃ ០៣គ្រឿង ,ម៉ូតូ ០១គ្រឿង ,ដាវ ចំនួន០៥ដើម-ជញ្ជីង ចំនួន០១គ្រឿង រួមជាមួយឧបករណ៍ប្រើប្រាស់និងវេចខ្ចប់គ្រឿងញៀនមួយចំនួន ។
ក្រោយពីឃាត់ខ្លួនសាកសួររួច ជនសង្ស័យនិងវត្ថុតាង កំពុងឃាត់ខ្លួននៅការិយាល័យជំនាញដើម្បីចាត់ការបន្តទៅតាមនីតិវិធីច្បាប់ ៕
