យោងតាមរយៈការបង្ហោះ Story IG ស្តីពីលទ្ធផលពិនិត្យសុខភាពរបស់តារាស្រីរូបស្រស់ លី សេ យ៉ុង នៅក្នុងមន្ទីរពេទ្យមួយកន្លែង បង្ហាញឱ្យឃើញថា នាងមានការស្រុតកម្ពស់អស់3សង់ទីម៉ែត្រ ដោយនៅក្នុងក្រដាសលទ្ធផលពិនិត្យសុខភាពនោះសរសេរថានាងមានកម្ពស់ 160 សម. និងទម្ងន់ 51 គីឡូក្រាម ដែលជាក់ស្តែងនាងមានកម្ពស់ 163 សង់ទីម៉ែត្រ។ យ៉ាងណាមិញ ទាក់ទងនឹងកម្ពស់ដែលបានស្រុតចុះអស់ 3 សង់ទីម៉ែត្ររបស់តារាស្រីរូបនេះ កំពុងតែទទួលបានការចាប់អារម្មណ៍ជាខ្លាំងពីបណ្តាអ្នកលេងបណ្តាញសង្គម ដោយម្នាក់ៗបានបញ្ចេញគំនិតរៀងៗខ្លួនពាក់ព័ន្ធនឹងរឿងដ៏ភ្ញាក់ផ្អើលនេះ ។ 

សូមរំលឹកថា៖ លី សេ យ៉ុង កើតនៅក្នុងឆ្នាំ 1992 ដោយបានចាប់ផ្តើមចូលក្នុងវិស័យថតខ្សែភាពយន្តតាំងពីក្មេងមកម្ល៉េះ ហើយខ្សែភាពយន្តដំបូងដែលនាងបានសម្តែងគឺមានឈ្មោះថា "The Brothers' River" របស់ប៉ុស្តិ៍ SBS មានការចាក់ផ្សាយក្នុងឆ្នាំ 1997 ចំណែកឯខ្សែភាពយន្តដែលទទួលបានការគាំទ្រខ្លាំង គឺរឿង " The Red Sleeve " របស់ប៉ុស្តិ៍ MBC មានការចាក់ផ្សាយក្នុងឆ្នាំ2021 ៕