រាជនីក្រម៉ា កញ្ញា មាន សូនីតា ដែលជាអតីត Freshie Girls & Boys រដូវកាលទី៨ ចំណាត់ថ្នាក់លេខ៣ និងជាតារាបង្ហាញម៉ូត និងតារាសម្តែងស្រីនាំមុខនៅក្នុងប្រទេសកម្ពុជា ថែមទាំងជាថៅកែស្រីវ័យក្មេងដ៏ជោគជ័យម្នាក់។ ដោយកាលពីពេលថ្មីៗនេះកញ្ញាបានបញ្ចេញនូវវីដេអូខ្លីប្រហែលជា៣០វិនាទីនៅក្នុងបណ្តាញសង្គមផ្ទាល់ខ្លួន ជាមួយនឹងការបង្អួតរូបរាងដ៏ស្រលូនក្នុងឈុតពណ៌ស្វាយ អមជាមួយកាយវិការដ៏ស៊ិចស៊ីនៅមាត់សមុទ្រ។ 

ស្ថិតនៅក្នុងបរិយាកាសដ៏ល្អនាមាត់ឆ្នេរសមុទ្រ កញ្ញាក៏បានរៀបរាប់ជាសំណេរខ្លីៗនៅលើវីដេអូមួយនោះដោយមិនលាក់លៀម និងភាពជឿជាក់ ពោលគឺកញ្ញាហ៊ាន Rate ឱ្យខ្លួនឯង ១០/១០ ក្នុងការស្លៀកឈុតពណ៌ស្វាយមួយនេះ។ យ៉ាងណាមិញអ្នកស្រឡាញ់គាំទ្រកញ្ញាក៏បានចូលទៅខមមិនសរសើរពីរូបសម្រស់ដ៏ស្រស់ស្អាត និងមានអ្នកហ៊ាន Rate ទៅឱ្យកញ្ញា ១០០/១០០ ទៅទៀត ៕