កាលពីថ្ងៃទី 27 ខែសីហា  ឆ្នាំ2024 អ្នកនាំពាក្យឱ្យផលិតកម្ម Woollim Entertainment បានចេញមកប្រកាសជាផ្លូវការថា ក្នុងចំណោមសមាជិកទាំងអស់១០នាក់របស់ក្រុម “Golden Child” បានបន្តកុងត្រាតែ7នាក់ប៉ុណ្ណោះ រួមមាន ចាងជុន(Jangjun), ស៊ឹងមីន(Seungmin), ចេយ៉ុន(Jaehyun), ដុងយ៉ុន(Donghyun), ជូឆាន(Joochan), វ៉ាយ(Y) និងដេយ៉ល(Daeyeol) ចំណែកឯសមាជិកបីនាក់ទៀត រួមមាន ថេក(TAG), ជីបឹម(Jibeom) និងបូមីន(Bomin) បានសម្រេចចិត្តចែកផ្លូវគ្នាជាមួយផលិតកម្ម ហើយពួកគេនឹងមិនបន្តធ្វើសកម្មភាពជាមួយក្រុម “Golden Child” ទៀតទេ ។

ក្រៅពីនេះខាងផលិតកម្ម Woollim Entertainment ក៏បានចេញមកបញ្ជាក់បន្ថែមទៀតថា “ដោយហេតុនេះ “Golden Child” នឹងបន្តសកម្មភាពដោយមានសមាជិកទាំងអស់៧នាក់ ហើយនឹងត្រៀមជួបអ្នកគាំទ្ររបស់ខ្លួនតាមរយៈសកម្មភាពជាក្រុមនិងសកម្មភាពទោលនៅពេលឆាប់ៗខាងមុខនេះ”

សូមរំលឹកថា ក្រុមចម្រៀងកូរ៉េ “Golden Child” គឺជាក្រុមចម្រៀងបុរសមកពីផលិតកម្ម Woollim Entertainment បានបង្ហាញខ្លួនជាលើកដំបូងនៅថ្ងៃទី ២៨ ខែ សីហា ឆ្នាំ ២០១៧ ជាមួយ Mini Album ដំបូងរបស់ខ្លួនដែលមានឈ្មោះថា Gol-Cha ! ៕