.png)
រាជធានីភ្នំពេញ ៖
គួរឲ្យរន្ធត់! ក្មេងស្រីពីរនាក់ត្រូវជាបងប្អូនបង្កើត ជិះម៉ូតូឌុបគ្នាមកទិញអីហូប នៅផ្សារទំនើបឡាក់គី ក៏ត្រូវបានរថយន្តមិនស្គាល់ម៉ាកមួយគ្រឿង បើកបរក្នុងល្បឿនលឿន ជ្រុលទៅបុកម៉ូតូក្មេងរងគ្រោះពេញទំហឹង ប៉ើងទៅមុខជាច្រើនម៉ែត្រ បណ្តាលឲ្យស្លាប់ទាំងពីរនាក់នៅហ្នឹងកន្លែង ហើយរថយន្តបង្ក បើកគេចខ្លួនបាត់ស្រមោល ។
គ្រោះថ្នាក់ចរាចរណ៍ខាងលើនេះដែរ បង្កការភ្ញាក់ផ្អើលកាលពីវេលាម៉ោង៧:៣០នាទីយប់ ថ្ងៃទី០៩ ខែកញ្ញា ឆ្នាំ២០២៤ ស្ថិតនៅលើផ្លូវ១៩៨៦ សង្កាត់ភ្នំពេញថ្មី ខណ្ឌ សែនសុខ។ សពក្មេងស្រីទី១ មានឈ្មោះ មិត្ត ជូលី អាយុ ១១ឆ្នាំ និង សពក្មេងរងគ្រោះទី២ មានឈ្មោះមិត្ត សុផេងអាយុ៩ឆ្នាំ ។
ប្រភពពីកន្លែងកើតហេតុ បានឲ្យដឹងថានៅមុនពេលកើតហេតុ គេឃើញ ក្មេងស្រីរងគ្រោះ ២នាក់ បានជិះម៉ូតូម៉ាក Zoomer-x មួយគ្រឿងពាក់ផ្លាកលេខ ភ្នំពេញ 1FS- 7326 ជិះឌុបគ្នា ចេញពីផ្ទះ រួចធ្វើដំណើរតាមបណ្តោយផ្លូវ១៩៨៦ ក្នុងទិសដៅពីលិចមកកើតគោលបំណង មកទិញអីហូបក្នុងផ្សរទំនើបឡាក់គី ។ ខណៈពេលជិះមកដល់ចំណុចកើតហេតុនៅទល់មុខផ្សារ ស្រាប់តែគេឃើញមានរថយន្តពណ៌ស មួយគ្រឿងមិនចាំស្លាកលេខ ធ្វើដំណើរក្នុងទិសដៅបញ្រ្ចាសគ្នាពីកើតមកលិចក្នុងល្បឿនលឿន បើកមកដល់ចំណុចកើតហតុ ក៏បានជ្រុលចង្កូតបុកនិងម៉ូតូក្មេងរងគ្រោះយ៉ាងពេញទំហឹង ប៉ើងទៅមុខជាច្រើនម៉ែត្រ បណ្តាលឲ្យក្មេងស្រីទាំង២នាក់ត្រូវជាបងប្អូនបង្កើត ស្លាប់នៅហ្នឹងកន្លែងកើតហេតុទាំង២នាក់ រីឯ រថយន្តបង្ក បន្តល្បឿនបើករត់គេចខ្លួនបាត់ស្រមោល ។
បន្ទាប់ពីកើតហេតុ សមត្ថកិច្ចមូលដ្ឋានសហការជាមួយជំនាញ ចុះមកដល់វាស់វែងយក ម៉ូតូជនរងគ្រោះទៅរក្សាទុក រួចធ្វើកំណត់ហេតុប្រគល់សពឲ្យទៅក្រុមគ្រួសារយកទៅធ្វើ បុត្រតាមប្រពៃណី។ ចំណែករថយន្តបង្ក សមត្ថកិច្ច នឹងធ្វើការស្រាវជ្រាវនៅពេលក្រោយដើម្បីឃាត់យកមកចាប់ការតាមនិតិវិធី ៕
