ខួបកំណើតឆ្នាំនេះខុសពីរាល់ដង! កញ្ញា រឿន ណាត ត្រូវបានមិត្តនាំទៅធ្វើខួបកំណើតដល់ប្រទេសម៉ាឡេស៊ី

ទើបតែត្រលប់មកពីប្រទេសហ្វីលីពីន ក្នុងកម្មវិធីសម្ភោធរឿងរបស់ខ្លួន មិនបានប៉ុន្មានថ្ងៃផង ស្រាប់តែថ្មីៗនេះ កញ្ញាឯកចក្កវាឡកម្ពុជាឆ្នាំ២០១៨ កញ្ញា រឿន ណាត ត្រូវបានបុរសឯក Mister Friendship International 2023  លោក លាវ វេងហួរ នាំទៅធ្វើខួបកំណើតដល់ប្រទេសម៉ាឡេស៊ី។ ស្ថិតនៅក្នុងការអបអរខួបកំណើតបែបរ៉ូមែនទិកបែបស្វីតៗរបស់គូសង្សារមួយគូនេះ ប្រុសស្អាត លាវ វេងហួរ បានធ្វើការ Share ការបង្ហោះមួយរបស់កញ្ញា រឿន ណាត ដោយភ្ជាប់ជាមួយសំណេរដ៏ផ្អែមជាងទឹកឃ្មុំថា “សម្រស់ទីក្រុងកូឡាឡាំពួរ ខ្ញុំ Rate ឱ្យ 10/10 ប៉ុន្តែសម្រស់ honey ខ្ញុំវិញ គឺអស់លេខដាក់តែម្តង”។ ទន្ទឹមនឹងភាពផ្អែមល្ហែមដែលលោក លាវ វេងហួរ បានផ្តល់ឱ្យកញ្ញា រឿន ណាត នាថ្ងៃខួបកំណើតនេះ ក៏មានការជូនពរជាច្រើនពីបណ្តាអ្នកគាំរបស់របស់ខ្លួនផងដែរ ។

ត្បិតថាអ្នកទាំងពីរទើបតែស្វែងយល់ចិត្តគ្នាក៏ពិតមែន ប៉ុន្តែជារឿយៗ គូស្នេហ៍មួយគូនេះតែងតែបង្ហាញភាពភាពល្អូកល្អិន ស្អិតរមួតដូចស្ករតាំងម៉ែអ៊ីចឹង និងមិនដែលបង្ហាញអារម្មណ៍អាក់អន់ស្រពន់ចិត្តឬមានភាពល្អក់កករជាមួយគ្នាឡើយ ។