.png)
ខេត្តបាត់ដំបង ៖
ផ្ទះ០១ខ្នង ត្រូវបានអគ្គិភ័យឆាបឆេះអស់ទាំងស្រុងនៅវេលាម៉ោង០៩និង១០នាទី ថ្ងៃទី០៦ ខែកញ្ញា ឆ្នាំ២០២៤ នៅចំណុចក្រុមទី០៧ ស្ថិតក្នុងភូមិទួលស្នួល ឃុំឫស្សីក្រាំង ស្រុកមោងឫស្សី ខេត្តបាត់ដំបង។
ផ្ទះដែលត្រូវអគ្គិភ័យឆាបឆេះខាងលើ មានទំហំ ១០ម៉ែត្រ x ១២ម៉ែត្រ ធ្វើអំពីឈើ ដំបូលប្រក់ក្បឿង ឆេះអស់ទាំងស្រុង រួមជាមួយសម្ភារៈខូចខាតមាន! ,មាសចំនួន ២ជី ,លុយចំនួន ១០០០០០០(មួយលានរៀល) ដែលសរុបជាទឹកប្រាក់អស់ប្រហែល ២៣០០០០០០រៀល(ម្ភៃបីលានរៀល) ដែលមានម្ចាស់ឈ្មោះ ម៉ៅ គឿន ភេទស្រី អាយុ៦៨ឆ្នាំ ។
សមត្ថកិច្ច បានបញ្ជាក់ថាករណីអគ្គិភ័យខាងលើនេះ គឺបណ្ដាលមកពីឆ្លងចរន្តអគ្គិសនី ហើយក្នុងនោះសមត្ថកិច្ចពុំបានចេញរថយន្តពន្លត់អគ្គិភ័យចុះទៅជួយពន្លត់ទេដោយសារស្ថានភាពផ្លូវតូចចង្អៀតនិងទទួលបានព័ត៌មានយឺត ៕
