រន្ធត់ណាស់!បុរស២នាក់ បានស្លា...ប់ភ្លាមៗនៅនិងកន្លែង ករណីគ្រោះថ្នាក់ចរាចណ៍រវាង ម៉ូតូនិងម៉ូតូ

ខេត្តកណ្ដាល ៖

នៅយប់ថ្ងៃទី០៩ ខែកញ្ញា ឆ្នាំ២០២៤ វេលាម៉ោង ២០និង១៥នាទី នៅត្រង់ ចំណុចខាងមុខកន្លែងលក់បុកល្ហុង «សុខ ហេង» នៅលើផ្លូវលេខ១២១១ ស្ថិតនៅភូមិ១ក សង្កាត់ស្វាយរលំ ក្រុងតាខ្មៅ ខេត្តកណ្ដាល មានករណីគ្រោះថ្នាក់ចរាចរណ៍រវាងម៉ូតូនិងម៉ូតូ បុកគ្នា ក្នុងទិសដៅបញ្ច្រាសគ្នា បណ្ដាលឲ្យអ្នកបើកបរម៉ូតូទាំង២គ្រឿង ស្លាប់បាត់បង់ជីវិតនៅហ្នឹងកន្លែង ។

យោងតាមសមត្ថកិច្ច បានឲ្យដឹងថាមុនពេលកើតហេតុ គេ ឃើញម៉ូតូមួយគ្រឿងម៉ាក HONDA ICON ពណ៌លឿង ពាក់ផ្លាកលេខភ្នំពេញ1AK-8793  បើកបរដោយឈ្មោះ ភិន ភារ័ក្ស ភេទប្រុស អាយុ១៩ ឆ្នាំ មានទីលំនៅភូមិលេខ ១ក  សង្កាត់ស្វាយរលំ ក្រុងតាខ្មៅ ខេត្តកណ្ដាល ធ្វើដំណើរតាមបណ្ដោយផ្លូវ១២១១ ទិសដៅពីលិចទៅកើត ។

លុះពេលធ្វើដំណើរមកដល់ចំណុចកើតហេតុខាងលើ ក៏បានបុកជាមួយម៉ូតូមួយគ្រឿងម៉ាក HONDA CBR ពណ៌ខ្មៅ ពាក់ផ្លាកលេខភ្នំពេញ1GU-4160 បើកបរទិសដៅពីកើតទៅលិច  ដោយឈ្មោះ សុត ដូង ភេទប្រុស អាយុ៣២ឆ្នាំ មានទីលំនៅភូមិលេខ១ ឃុំប្រាសាទ ស្រុកស្អាង ខេត្តកណ្ដាល  បណ្តាលឲ្យអ្នកបើកបរម៉ូតូទាំង២គ្រឿង ស្លាប់ ភ្លាមៗនៅកន្លែងកើតហេតុ រីឯសាកសព ត្រូវបានប្រគល់ជូនសាច់ញាតិ យកទៅធ្វើបុណ្យតាមប្រពៃណីនៅស្រុកកំណើត ។

ចំពោះមធ្យោបាយពាក់ព័ន្ធខាងលើ ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីច្បាប់ ៕