ក្រុងបាត់ដំបង ៖
បុរសជាអ្នករត់ផាស់អែប ចំនួន០២នាក់ បានប្រើហិង្សាវាយតប់គ្នាទៅវិញទៅមក បង្កភាពអនាធិបតេយ្យនៅតាមផ្លូវទីសាធារណៈ ត្រូវសមត្ថកិច្ចនាំខ្លួនដើម្បីអនុវត្តតាមផ្លូវច្បាប់ ។
ករណីហិង្សាបង្កការភ្ញាក់ផ្អើលខាងលើនេះ បានកើតឡើងនៅវេលាម៉ោង ២២និង២០នាទី ត្រូវនិងថ្ងៃទី១១ ខែកញ្ញា ឆ្នាំ២០២៤ នៅខាងមុខបរិវេណលោកតាដំបងក្រញូង ស្ថិតក្នុងសង្កាត់រតនៈ ក្រុងបាត់ដំបង ដែលករណីនេះ បង្កឡើងដោយបុរសអ្នករត់ផាស់អែបដូចគ្នា ក្រោយមានជម្លោះពាក្យសម្តីគ្នា រហូតឈានដល់ការវាយតប់គ្នាទៅវិញទៅមក បណ្តាលឲ្យភាគីម្ខាង រងរបួស បែកប៉ោងពេញផ្ទៃមុខផងដែរ ។
ក្រោយពេលកើតហេតុ ជនសង្ស័យបង្កហេតុទាំងពីរនាក់ ត្រូវបានកម្លាំងជំនាញនៃអធិការដ្ឋាននគរបាលក្រុងបាត់ដំបង ចុះអន្តរាគមន៍នាំខ្លួនយកទៅធ្វើការសាកសួរដើម្បីអនុវត្តតាមនីតិវិធីច្បាប់ ៕
