មកស្គាល់ពីតារាប្រុសមុខរីកមិនដែលស្រពោន ឆា អ៊ឺនវូ (Cha Eun-woo) ទាំងអស់គ្នា!

ឆា អ៊ឺនវូ (Cha Eun-woo) តារាមុខប្រជាប្រិយប្រចាំប្រទេសកូរ៉េខាងត្បូង កំពុងទទួលបានការចាប់អារម្មណ៍និងមានភាពល្បីល្បាញជាខ្លាំងនៅទូទាំងពិភពលោកនាពេលបច្ចុប្បន្ននេះ។ កន្លងមកមហាជនភាគច្រើនធ្លាប់តែបានទស្សនាការច្រៀង និងការសម្តែងខ្សែភាពយន្តនានា ប៉ុន្តែមហាជនមួយចំនួនទៀតនៅមិនទាន់បានស្គាល់ស៊ីជម្រៅពីតារាប្រុសរូបនេះនៅឡើយទេ អ៊ីចឹងថ្ងៃនេះយើងនឹងទៅស្គាល់ពីជីវប្រវត្តិ និងស្នាដៃក្នុងវិស័យសិល្បៈត្រួសៗរបស់អ៊ុបប៉ាម្នាក់នេះទាំងអស់គ្នា ។ 

ឆា អ៊ឺនវូ (Cha Eun-woo) មានឈ្មោះដើមថា លី ដុងមីន(Lee Dong-min) កើតនៅថ្ងៃទី 30 ខែមីនា ឆ្នាំ1997 និងមានកម្ពស់ 180 សម.។ បានបញ្ចប់ការសិក្សានៅសាលកវិទ្យាល័យសុងក្យុនក្វាន់ (Sungkyunkwan University) ផ្នែកការសម្តែង។ មិនត្រឹមតែប៉ុណ្ណោះ ឆា អ៊ឺនវូ (Cha Eun-woo) ក៏ជាសមាជិកម្នាក់នៅក្នុងក្រុមចម្រៀង អាស្ត្រូ(ASTRO) ផងដែរ។ ជាមួយគ្នានេះទៀតសោត ឆា អ៊ឺនវូ (Cha Eun-woo) ក៏មានស្នាដៃសម្តែងនៅក្នុងខ្សែភាពយន្តភាគ និងខ្សែភាពយន្តខ្នាតធំល្បីៗជាច្រើន ក្នុងនោះរួមមាន ទ្រូប៊ីយូធី(True Beauty), និង វ័នឌឺហ្វូលវើល(Wonderful world) ជាដើម។ តារាប្រុសរូបនេះក៏ធ្លាប់បានឈ្នះពានជាច្រើននៅលើវិថីសិល្បៈរបស់ខ្លួនដូចគ្នាដែរ ក្នុងនោះរួមមាន ពាន ហតទ្រេនមែលអ៊ែកទើ(Hot Trend Male Actor) ពីកម្មវិធី ប្រ៊េនខសស្តូមមឺឡូយ៉ាល់ធីអឹវើត(Brand Customer Loyalty Awards) ឆ្នាំ2024, ពាន ក្លូប៊លអាយខនអឹវើត(Global Icon Award) ពីកម្មវិធី អឹមធីវីវីដេអូម្ញូសិកអឹវើតចាផេន(MTV Video Music Awards Japan) ឆ្នាំ2023, និងពានរង្វាន់ផ្សេងៗជាច្រើនទៀត ៕