ជឿជាក់ថាមហាជនមួយចំនួនធំច្បាស់ជាស្គាល់យុវតី ជូរី ល្អហួស កូនអ្នកលក់អនឡាញដ៏ល្បីឈ្មោះនៅប្រទេសកម្ពុជាជាក់ជាពុំខាន។ ល្អហួស ជាយុវតីកម្ពុជាមួយរូបដែលមានទេពកោសល្យខាងផ្នែកសិល្បៈតាំងពីតូចមកម្ល៉េះ មិនថាតែការច្រៀង ការរាំ ការសម្តែង ការដើរបង្ហាញម៉ូត និងបវរកញ្ញាជាដើម។ ទន្ទឹមនឹងសមត្ថភាពទាំងនេះ ល្អហួស ធ្លាប់បានតំណាងឱ្យប្រទេសកម្ពុជាម្តងរួចមកហើយនៅក្នុងកម្មវិធីប្រកួតសម្រស់វ័យក្មេង (ឌឹហ្ស៊ឺតជូនៀរ៍អាយដលវើល2024) The 3rd Junior Idol World 2024 នៅឯប្រទេសថៃ និងទទួលបានតំណែងជាម្ចាស់ជ័យលាភីលេខមួយ (មីសព្រីធីនអ៊ិនធើណេហ្សិនណល2024) Miss Preteen International 2024 ពីកម្មវិធីមួយនេះផងដែរ។ ជាមួយគ្នានេះបវរកញ្ញាយុវតីរូបនេះ ថែមទាំងចិញ្ចឹមចិត្តចង់ចូលរួមប្រកួតប្រជែងនៅលើវេទិកាប្រកួតសម្រស់ធំៗនៅលើឆាកអន្តរជាតិនៅពេលពេញវ័យនាថ្ងៃអនាគតថែមទៀតផង។ ដោយឡែកកាលពីពេលថ្មីៗនេះ នៅលើបណ្តាញទំនាក់ទំនងសង្គមហ្វេសប៊ុកផ្លូវការរបស់យុវតី ជូរី ល្អហួស បានរៀបរាប់យ៉ាងដូច្នេះថា នឹងនាំយកសៀវភៅសរសេរចំនួន2ម៉ឺនក្បាល និងសម្ភារៈផ្សេងទៀត ទៅចែកជូនដល់សិស្សានុសិស្ស ដែលមានការខ្វះខាតនូវសម្ភារៈសិក្សានៅតាមបណ្តាខេត្ត និងស្រុកនានាក្នុងប្រទេសកម្ពុជា ។

គួររំលឹកថា យុវតី ជូរី ល្អហួស ម្ចាស់តំណែងលេខមួយ (មីសព្រីធីនអ៊ិនធើណេហ្សិនណល2024) Miss Preteen International 2024 ពីវេទិកាប្រកួតសម្រស់ (ឌឹហ្ស៊ឺតជូនៀរ៍អាយដលវើល2024) The 3rd Junior Idol World 2024 រូបនេះ មិនមែនទើបតែចូលរួមធ្វើសកម្មភាពសប្បុរសធម៌នោះទេ ដោយជារឿយៗយុវតីរូបនេះតែងតែធ្វើដំណើរចុះទៅតាមតំបន់នានា ដើម្បីជួយបងប្អូនដែលមានជីវភាពខ្វះខាត តាមរយៈរូបភាពដែលបង្ហាញពីក្តីស្រឡាញ់ អាណិតអាសូរ និងទឹកចិត្តជាអំណោយបន្តិចបន្តួចជាដើម ៕