.png)
ព្រឹត្តិការណ៍ប្រកួតបុរសឯកដ៏ធំប្រចាំប្រទេសថៃ កម្មវិធី Mister International Thailand 2024 បានរកឃើញម្ចាស់ជ័យហើយកាលពីរាត្រីថ្ងៃទី 1 ខែកញ្ញា ឆ្នាំ2024 កន្លងទៅនេះ។ បុរសឯកដែលបានឈ្នះជ័យលាភីលេខមួយពីកម្មវិធីនេះគឺបានទៅលើបេក្ខជនដែលមានលេខសម្គាល់ MI17 - ឈុតតិផុង ផុតរ៉ាក់ ចំណែកឯលំដាប់រងទីមួយបានទៅលើបេក្ខជនដែលមានលេខសម្គាល់ MI4 - អភិរ៉ាក់ សារៈភី និងលំដាប់រងទីពីរបានទៅលើបេក្ខជនដែលមានលេខសម្គាល់ MI30 - សីទធិឆោគ ផាណិតឡើតថេវ៉ា។ យ៉ាងណាមិញបន្ទាប់ពីបានរកឃើញម្ចាស់ជ័យលាភីរួច សង្កេតឃើញថាមានការពេញចិត្តពីសំណាក់អ្នកស្រឡាញ់វិស័យមួយនេះជាខ្លាំង ដោយបានលើកឡើងថា លោក ឈុតតិផុង ផុតរ៉ាក់ ពិតជាសក្តិសមនឹងតំណែងមួយនេះជាខ្លាំង។ ក្រឡេកទៅមើលលោក ឈុតតិផុង ផុតរ៉ាក់ ដែលជាម្ចាស់ជ័យលាភីវិញ លោកមានអាជីពជាអ្នកបម្រើលើយន្តហោះ តារាបង្ហាញម៉ូត និងជា Event DJ។ លើសពីនេះ លោកក៏ធ្លាប់ជាលំដាប់រងទី2 ពីកម្មវិធី Mister Supranational Thailand ឆ្នាំ 2022 ផងដែរ ។
គួរបញ្ជាក់ថា បន្ទាប់ពីមានការឈ្នះតំណែងជា Mister International Thailand 2024 លោក ឈុតតិផុង ផុតរ៉ាក់ និងធ្វើដំណើរឆ្ពោះទៅប្រកួតបន្តនៅលើវេទិកា Mister International 2024 ដែលនឹងរៀបចំធ្វើឡើងនាពេលឆាប់ៗខាងមុខនេះ ៕
