កាលពីពេលថ្មីៗកន្លងទៅនេះ បណ្តាញសារពត៌មាន (ស្ពូធីវី ញូវ)Spotv News បានរាយការណ៍មកថា អតីតតារាចម្រៀង និងសម្តែង នាង (នោ ជុង ម៉្ញុង)Noh Jeong-myeong បានធ្វើការលែងលះស្ងាត់ៗជាមួយស្វាមីហើយ។ សារពត៌ខាងលើក៏បានឱ្យដឹងបន្ថែមទៀតថា (នោ ជុង ម៉្ញុង)Noh Jeong-myeong នឹងបង្ហាញខ្លួននៅក្នុងកម្មវិធី (អាយដលសីងហ្គលសិច)'Idol Singles 6' របស់ (អឹមប៊ីអិន)MBN ដែលជាកម្មវិធីស្វែងរកគូសម្រាប់អ្នកម៉េម៉ាយឬពោះម៉ាយដ៏ពេញនិយមនៅប្រទេសកូរ៉េខាងត្បូង ។ 

យ៉ាងណាមិញ (នោ ជុង ម៉្ញុង)Noh Jeong-myeong គឺជាអតីតតារាសម្តែងដែលធ្លាប់មានស្នាដៃជាច្រើននៅក្នុងខ្សែភាពយន្តភាគ និងខ្សែភាពយន្តខ្នាតធំ និងបានបង្ហាញខ្លួនលើកដំបូងជាសមាជិកក្រុម (រ៉េតស៊ក)Red Sox កាលពីឆ្នាំ 2005។ បន្ទាប់ពីកសាងកេរ្តិ៍ឈ្មោះបានមួយរយៈនាងក៏បានដកខ្លួនចេញពីវិថីសិល្បៈដោយលើកហេតុផងថា មិនចង់ធ្វើជាបុគ្គលល្បី បុគ្គលសាធារណៈទៀតនោះទេ។ ក្រោយពេលចាកចេញទៅប្រើជីវិតបែបមនុស្សធម្មតាវិញ នាងក៏បានរៀបការជាមួយស្វាមីក្រៅរង្វង់សិល្បៈនៅក្នុងឆ្នាំ2009 និងទទួលបានបុត្រម្នាក់ជាចំណងដៃអាពាហ៍ពិពាហ៍ រហូតមកដល់ឆ្នាំ2024នេះក៏លេចលឺពីដំណឹងលែងលះជាមួយស្វាមីតែម្តង ៕