អ័រអឹម(RM) សមាជិកក្រុមប៊ីធីអេស (BTS) បានសាងប្រវត្តិសាស្ត្រថ្មីដ៏គួរឱ្យភ្ញាក់ផ្អើល ក្រោមការសហការជាមួយ រ៉េបពើ មេហ្គាន់ដីស្ទេលាន(Rapper “Megan Thee Stallion”) ក្នុងបទ នេវ៉ាផ្លេ(Neva Play)។ ដោយឡែកយោងតាមរយៈការបង្ហាញជាផ្លូវការនូវតារាង ប៊ីលប៊តហតវ័នហាន់ឌ្រឹត(Billboard Hot 100) កាលពីពេលថ្មីៗនេះ បានឱ្យដឹងថា បទ នេវ៉ាផ្លេ(Neva Play) ដែលមានការសហការរបស់តារាចម្រៀងទាំងពីររូបនេះ បានជាប់នៅលេខរៀងទី 36 នៃតារាងដ៏ពេញនិយមមួយនេះផងដែរ ។
ត្បិតថាទើបតែចាប់ដៃគូគ្នាច្រៀងជាមួយគ្នាជាលើកដំបូងក៏ពិតមែន ប៉ុន្តែអាចនិយាយបានថាបទ នេវ៉ាផ្លេ(Neva Play) ដែលជាប្រភេទបទបែបហ៊ិបហប់ ហាក់កំពុងទទួលបានការចាប់អារម្មណ៍ជាខ្លាំងពីបណ្តាប្រិយមិត្តអ្នកស្តាប់នៅទូទាំងពិភពលោក រហូតអាចធ្វើឱ្យបទចម្រៀងមួយនេះហក់ដល់លេខរៀងទី 36 នៃតារា ប៊ីលប៊តហតវ័នហាន់ឌ្រឹត(Billboard Hot 100) របស់សហរដ្ឋអាមេរិក ។
គួររំលឹកថា នេះគឺជាការបង្ហាញខ្លួនទោលជាលើកទីពីរហើយរបស់ អ័រអឹម(RM) នៅលើតារាង ប៊ីលប៊តហតវ័នហាន់ឌ្រឹត(Billboard Hot 100) ដោយនៅលើកដំបូងតារាចម្រៀងរូបនេះបានបង្ហាញខ្លួននៅក្នុងបទ វ៉ាលដ៍ហ្វ្លៅវើ(Wild Flower) ក្នុងឆ្នាំ 2022 ដោយស្ថិតនៅលេខរៀងទី 83 ៕
