កក្រើកទៀតហើយ សង្វៀន«WURKZ អ្នកចម្បាំងគុនខ្មែរ» គូដែលត្រូវប្រកួតសម្រាប់សប្តាហ៍ទី២នេះ ហើយ នៅក្នុងសាលកីឡាសម្ដេចពិជ័យសេនា ទៀ បាញ់ ក្នុងបរិវេណមជ្ឈមណ្ឌលកីឡាកងយោធពលខេមរភូមិន្ទ ស្តាតចាស់ ។
នៅថ្ងៃអាទិត្យទី០៨ ខែកញ្ញា ឆ្នាំ២០២៤ កីឡាករខ្លាំងៗចំនួន៨គូ នឹងនាំគ្នា មកអង្រួនសង្វៀន«WURKZ អ្នកចម្បាំងគុនខ្មែរ» មានតែគូមិត្តភាពជាតិ គូមិត្តភាព អន្តរជាតិ ប្រភេទប្រដាល់គុនខ្មែរ ហ្គង់ធម្មតា អំបោះឆៅ និងប្រភេទឃីគបុកស៊ីង ។
គូមិត្តភាពជាតិទី១ កីឡាករ រិទ្ធី ភៀនសុផាត ត្រូវប្រកួតជាមួយកីឡាករ សំ អាន ប្រកួតក្នុងប្រភេទទម្ងន់៦៣,៥គីឡូក្រាម ,គូមិត្តភាពជាតិទី២ ក្នុងប្រភេទទម្ងន់៦៣,៥គីឡូក្រាម កីឡាករ ភី សុផេត ប្រកួតជាមួយកីឡាករ នួន រ៉ាថេន ,គូទី៣ ជាគូមិត្តភាពអន្តរជាតិ ក្នុងប្រភេទទម្ងន់៦៥គីឡូក្រាម រវាងកីឡាករ ខាំ ខ្លារាជ របស់កម្ពុជា ប្រកួតជាមួយកីឡាករ សាក់ ណារុង មកពីប្រទេសឡាវ ,គូទី៤ជាគូមិត្តភាពអន្តរជាតិ ក្នុងប្រភេទទម្ងន់៥១ គីឡូក្រាម រវាងកីឡាករ ប៊ន ពន្លឹក របស់កម្ពុជា ប្រកួតជាមួយកីឡាករ ចារ៉ាត ម៉ូហ្សាហ្វារី មកពីប្រទេស អីរ៉ង់,គូទី៥ ជាការប្រកួតមិត្តភាព អន្តរជាតិនារី ប្រភេទទម្ងន់៥៧គីឡូក្រាម កីឡាការិនី មឿយ សឹង របស់កម្ពុជា ប្រកួតជាមួយកីឡាការិនី ហុង កាន់យ៉ា មកពីព្រះរាជាណាចក្រថៃ,គូទី៦ ប្រកួតមិត្តភាពអន្តរជាតិ ក្នុងប្រភេទទម្ងន់ ៥៤ គីឡូក្រាម កីឡាករ សុខ រិទ្ធ របស់កម្ពុជា ប្រកួតជាមួយកីឡាករ អារ៉ាយ៉ាន់ យ៉ារ៉ាម៉ាឌី មកពីប្រទេស អីរ៉ង និងគូមិត្តភាពអន្តរជាតិទី៧ កីឡាករ ជើងខ្លាំងរបស់កម្ពុជា ឡុង សំណាង ត្រូវប្រកួតជាមួយកីឡាករជើងខ្លាំងឆ្លងដែនមកពីព្រះរាជាណាចក្រថៃ រុង សែងតាក់វ៉ាន់ ប្រកួតក្នុងប្រភេទទម្ងន់ ៦៥គីឡូក្រាម ។
កុំភ្លេចណា ចូលរួមទស្សនាដោយសេរី ចាប់ពីម៉ោង៦ល្ងាចតទៅសង្វៀន«WURKZ អ្នកចម្បាំងគុនខ្មែរ» ក្នុងសាលកីឡាសម្ដេចពិជ័យសេនា ទៀ បាញ់ ក្នុងបរិវេណមជ្ឈមណ្ឌលកីឡាកងយោធពលខេមរភូមិន្ទ ស្តាតចាស់។ហើយក៏មានការផ្សាយផ្ទាល់លើកញ្ចក់ទូរទស្សន៍ប៉ុស្ត៍លេខ៥ និងPage ,Youtube ផ្លូវការ TV5 CAMBODIA ផងដែរ ។
