កាលពីពេលថ្មីៗនេះលោក (ហ្ស៊ូ ច៊ើងស៊ី) Xu Zhengxi តារាសម្តែងចិនវ័យ 38 ឆ្នាំ បានចេញមកប្រកាសឱ្យដឹងនូវពត៌មានដ៏គួរឱ្យភ្ញាក់ផ្អើលតាមរយៈបណ្តាញសង្គមវេយបូ(Weibo) កាលពីថ្ងៃទី 15 ខែមីនា កន្លងទៅថា “ខ្ញុំសុំលាលែងពីតំណែងជាតារាសម្តែង អរគុណសម្រាប់គាំទ្រកន្លងមក ខ្ញុំពិតជាធ្វើឱ្យអ្នកទាំងអស់គ្នាលំបាកហើយ អរគុណសម្រាប់គ្រប់យ៉ាង ខ្ញុំស្រឡាញ់អ្នកទាំងអស់គ្នា”។ ដោយឡែកកាលពីថ្ងៃទី 6 ខែកញ្ញា លោក ហ្ស៊ូ ច៊ើងស៊ី បានចេញមកបង្ហោះសារបញ្ជាក់ពីមូលហេតុនៅពីក្រោយនៃការចាកចេញពីវិថីសិល្បៈរបស់លោកថា ដោយសារឪពុករបស់លោកកើតមានជំងឺរ៉ាំរ៉ៃជាង 6 ឆ្នាំមកហើយ ប៉ុន្តែ 2 ឆ្នាំក្រោយមកនេះឪពុករបស់តួឯកប្រុសម្នាក់នេះកាន់តែអាការៈទ្រុតទ្រោមទៅៗ និងក្នុងនាមលោកជាកូនប្រុសតែម្នាក់នៅក្នុងគ្រួសារផងនោះ គឺត្រូវមានតួនាទីមើលថែគ្រួសារ” ក្រោយពេលដែលសារនេះបានបង្ហោះរួច បានធ្វើឱ្យបណ្តាអ្នកគាំទ្រមានការអាណិតអាស៊ូដល់តារាសម្តែងប្រុសនេះជាខ្លាំង ។

គួររំលឹកថា តួឯកប្រុស ហ្ស៊ូ ច៊ើងស៊ី បានសម្តែងនៅក្នុងខ្សែភាពយន្តភាគល្បីៗជាច្រើន ក្នុងនោះរួមមាន (ឌិ-អ-ទុម-បល-ឡេត)The Autumn Ballad, (ប៊ី-ម៉ាយ-ព្រីន-សេស)Be My Princess, (ឌឹ-ជឺ-នី-អហ្វ-ជុង-ហ្ស៊ី)The Journey of Chong Zi, (រ៉ូ-យ៉ាល់-រ៉ូម-មឺ)Royal Rumours និង (យ៉ុង-កាន-ឌ្រីម)Yongan Dream ជាដើម ៕