ស្លា..ប់ម្នាក់និងរបួ..សធ្ង..ន់ស្រាល០៣នាក់ ដោយគ្រោះថ្នាក់ចរាចណ៍រវាងម៉ូតូនិងម៉ូតូ

ខេត្តកណ្តាល ៖

ករណីគ្រោះថ្នាក់ចរាចរណ៍មួយ បង្កអោយមានមនុស្សម្នាក់ស្លាប់ ពេលបញ្ជូនទៅដល់មន្ទីរពេទ្យ និងមនុស្សប្រុសស្រី០៣នាក់ផ្សេងទៀត បានរងរបួសធ្ងន់ស្រាល ដោយម៉ូតូបុកជាមួយម៉ូតូ រងការខូចខាតទាំង០២គ្រឿង កាលពីវេលាម៉ោង២០និង៥នាទីថ្ងៃទី២៨ ខែតុលា ឆ្នាំ២០២៤ នៅចំណុចលើផ្លូវបេតុង ស្ថិតក្នុងភូមិ អរិយក្សត្រ សង្កាត់ អរិយក្សត្រ ក្រុងអរិយក្សត្រ ខេត្តកណ្តាល ។

លោកវរៈសេនីយ៍ទោ រស់ ដាលីន អធិការនគរបាលក្រុងអរិយក្សត្រ បានប្រាប់តាមតេក្រាម អោយដឹងថា÷មុនពេលកើតហេតុ មានម៉ូតូ០១គ្រឿង HONDA Scoopy  ពណ៌ ស លាយ ទឹកក្រូច ពាក់ស្លាកលេខភ្នំពេញ1KW-5802 បើកបរដោយឈ្មោះ ពៅ ស្រីពេជ្រ ភេទស្រី អាយុ៣៤ឆ្នាំ រងរបួសស្រាល និង អ្នករួមដំណើរ០១នាក់ ឈ្មោះ ទ្រី សុវិចិត្រា ភេទប្រុសអាយុ ១៤ ឆ្នាំ របួសធ្ងន់និងបានស្លាប់ពេលបញ្ជូនដល់មន្ទីពេទ្យភ្នំពេញនោះ ធ្វើដំណើរទិសដៅពីលិចទៅកើត ។

ពេលបើកមកដល់កន្លែងកើតហេតុ ក៏បានបត់ឆ្វេងនៅលើទ្រូងផ្លូវ ស្របពេលនោះក៏មានម៉ូតូមួយគ្រឿងដែលកំពុងបើកបរក្នុងទិសដៅស្របគ្នា បានបុកចំពាក់កណ្តាលតែម្តង ម៉ូតូម៉ាក Honda Dream C125 ពណ៌ខ្មៅ ពាក់ស្លាកលេខ ពោធិសាត់1N-2135  បើកបរដោយឈ្មោះ អ៊ុក មករា ភេទប្រុស អាយុ១៩ឆ្នាំ របួសធ្ងន់ និងអ្នករួមដំណើរចំនួន០១នាក់  ឈ្មោះ វឿង សុខម៉េង ភេទប្រុស អាយុ ១៧ ឆ្នាំ របួសស្រាល ។ 

ចំពោះមធ្យោបាយដែលពាក់ព័ន្ធ ត្រូវបានយកមករក្សាទុកបណ្តោះអាសន្ននៅប៉ុស្តិ៍នគរបាលរដ្ឋបាលអរិយក្សត្រដើម្បីបន្តចាត់ការតាមនិតីវិធី ។ លោកអធិការ បានបញ្ជាក់បន្ថែមថា÷តាមការសន្និដ្ឋានបឋម ករណីខាងលើ បណ្តាលមកពីអ្នកបើកបរម៉ូតូ HONDA SCOOPY  បើកបរបត់ឆ្លងផ្លូវមិនបានស៊ីញ៉ូ មុនពេលឆ្លងផ្លូវ ចំណែកម៉ូតូ HONDA DREAM C125 បើកបរមានល្បឿនលឿននៅក្នុងទីប្រជុំជន ដោយខ្វះការប្រុងប្រយ័ត្ន ៕