.png)
ខេត្តកែប ៖
នៅព្រឹកថ្ងៃទី១៨ ខែតុលា ឆ្នាំ២០២៤ វេលាម៉ោង ៦.០០នាទីព្រឹក មានករណីឆេះរថយន្ត១គ្រឿង ទិសដៅពីជើងទៅត្បូង លើផ្លូវជាតិលេខ ៣៣-អា ចន្លោះបង្គោលគីឡូម៉ែត្រលេខ ១-២ ត្រង់ចំណុច ចាងណាង ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប ។
រថយន្ត Camry បាឡែន ពណ៌ទឹក-មាស ពាក់ផ្លាកលេខ ភ្នំពេញ 2G. 8332 នេះ មានម្ចាស់ឈ្មោះ ស្រី កា ភេទស្រី អាយុ ៣១ឆ្នាំ មុខរបរបុគ្គលិក ខារ៉ាអូខេ «មានហេង» ស្នាក់នៅភូមិថ្មី សង្កាត់ព្រៃធំ ក្រុងកែប ខេត្តកែប។ រីឯអ្នករួមដំណើរ មានចំនួន ៥ នាក់ ហើយនៅក្នុងហេតុការណ៍ឆេះរថយន្តនេះ ទាំងអ្នកបើកបរ និងអ្នករួមដំណើរ ពុំមានរងរបួសនោះទេ ។
ចំពោះមូលហេតុដែលឆេះរថយន្តនេះ គឺបណ្តាលមកពីរថយន្តឆ្លងប្រព័ន្ធភ្លើង ៕
