ខេត្តកំពង់ឆ្នាំង ៖ 

នៅព្រឹកថ្ងៃទី២៣ ខែវិចិ្ឆកា ឆ្នាំ២០២៤ វេលាម៉ោង៦និង៤៥នាទី នៅលើកំណាត់ផ្លូវជាតិលេខ៥ ចន្លោះគីឡូម៉ែត្រ ៤៦ និង៤៧ នៅចំណុចមុខជញ្ជីងចាស់ ស្ថិតក្នុងភូមិ ស្ពានពោធិ៍ ឃុំ សេដ្ឋី ស្រុកសាមគ្គីមានជ័យ ខេត្តកំពង់ឆ្នាំង កើតមានករណីគ្រោះថ្នាកចរាចរណ៍មួយ បង្កឡើងដោយរថយន្ត ១គ្រឿងម៉ាក HYUNDAI ពណ៌ ស ពាក់ផ្លាកលេខ ព្រះវិហារ 3A-0179  បើកបរពីទិសខាងជើងទៅទិសខាងត្បូង បើកបរដោយឈ្មោះ ម៉ី សាម៉េ ភេទប្រុស អាយុ៥៣ឆ្នាំ រស់នៅភូមិអ្នកតាហាង ឃុំកំពង់ត្រឡាច ស្រុក កំពង់ត្រឡាច ខេត្តកំពង់ឆ្នាំង លុះបើកបរដល់ចំណុចកើតហេតុខាងលើ ក៏បានជ្រុលទៅបុកម៉ូតូ០៣គ្រឿងពីក្រោយ ហើយ បានរត់គេចខ្លួនបាត់ ។

ក្នុងហេតុការណ៍គ្រោះថ្នាក់ខាងលើនេះ បណ្ដាលឲ្យស្ត្រីម្នាក់បានស្លាប់នៅនិងកន្លែង និងបីនាក់ បានរងរបួស ព្រមទាំងធ្វើឱ្យខូចខាតម៉ូតូ3គ្រឿង ។

ក្រោយកើតហេតុ  វត្ថុតាង ត្រូវបានសមត្ថកិច្ចនគរបាលចរាចរណ៍យកមករក្សាទុកនៅប៉ុស្តិ៍នគរបាលរដ្ឋបាលសេដ្ឋី ដើម្បីរង់ចាំធ្វើការដោះស្រាយតាមផ្លូវច្បាប់។ ចំណែកសាកសព ត្រូវបានសមត្ថកិច្ចធ្វើកំណត់ហេតុ ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕