.png)
ខេត្តកណ្ដាល ៖
ដោយសារតែបើកម៉ូតូលឿនខ្វះការប្រុងប្រយ័ត្ន បណ្ដាលឲ្យមនុស្ស៣នាក់ រងរបួសនៅថ្ងៃទី១៨ ខែវិច្ឆិកា ឆ្នាំ២០២៤វេលាម៉ោង១៩និង៤៥នាទី នៅត្រង់ចំណុចខាងក្រោមក្រុមហ៊ុន ក្រឡុកបេតុង ជីបម៉ុង ប្រហែល៣០០ម៉ែត្រ ខាងលើផ្លូវជាតិលេខ២១ ស្ថិតនៅភូមិលេខ ១-ក សង្កាត់ស្វាយរលំ ក្រុងតាខ្មៅ ខេត្តកណ្ដាល រវាងមូតូបុកជាមួយ អ្នកថ្មើរជើងឆ្លងផ្លូវ បណ្ដាលអោយរងរបួសធ្ងន់០៣នាក់ ។
បើតាមសមត្ថកិច្ច បានឲ្យដឹងថានៅវេលាម៉ោងកើតហេតុខាងលើ មានម៉ូតូមួយគ្រឿង ម៉ាក HONDA DREAM ពណ៌ខ្មៅ ពាក់ផ្លាកលេខភ្នំពេញ1KQ-9742 ជិះគ្នាពីរនាក់ បើកបរតាមបណ្ដោយផ្លូវជាតិលេខ២១ មានទិសដៅពីត្បូងទៅជើង។ លុះដល់ចំណុចកើតហេតុ ក៏បានបុកជាមួយអ្នកថ្មើរជើងឆ្លងផ្លូវម្នាក់ ឈ្មោះ ជុំ សារឹទ្ធ ភេទប្រុស អាយុ៤០ឆ្នាំ ស្នាក់នៅការដ្ឋាន ស្ថិតនៅភូមិលេខ១ ក សង្កាត់ស្វាយរលំ ក្រុងតាខ្មៅ ខេត្តកណា្ដល បណ្តាលឲ្យរងរបួសធ្ងន់ ត្រូវបានរថយន្តសង្គ្រោះរបស់មន្ទីពេទ្យបង្អែជ័យជំនះដឹកយកទៅព្យាបាល ។
ចំណែកភាគីម៉ូតូ រងរបួសធ្ងន់ចំនួន២នាក់ ត្រូវបានរថយន្តសង្គ្រោះរបស់មន្ទីពេទ្យបង្អែកជ័យជំនះ ដឹកយកទៅព្យាបាលផងដែរ។ ចំពោះមធ្យោបាយពាក់ព័ន្ធខាងលើ ត្រូវបានយកមករក្សាទុកនៅអធិការដ្ឋាននគរក្រុងតាខ្មៅ ដើម្បីចាត់ការតាមនីតិវិធីច្បាប់ ។ ចំពោះមូលហេតុនៃគ្រោះថ្នាក់ចរាចរណ៍នេះ បណ្ដាលមកពីអ្នកបើកបរម៉ូតូបើកបរក្នុងល្បឿនលឿនខ្វះការប្រុងប្រយ័ត្ន ៕
