.png)
ខេត្តបាត់ដំបង
បុរសម្នាក់បានស្លាប់ភ្លាមៗក្រោយបើកបរម៉ូតូមិនប្រយ័ត្នជ្រុលទៅបុកកន្ទុយគោយន្តកន្រ្តៃដែលចតចោលនៅលើចិញ្ចើមផ្លូវនៅវេលាម៉ោង ១២និង៣០នាទី ឈានចូលថ្ងៃទី២៦ ខែវិច្ឆិកា ឆ្នាំ២០២៤ នៅត្រង់ចំណុចក្រុមទី០៤ ស្ថិតក្នុងភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង ។
ប្រភពនៅកន្លែងកើតហេតុ បានប្រាប់ថា ករណីគ្រោះថ្នាក់ចរាចរណ៍ខាងលើនេះដែរ បានកើតឡើងរវាងម៉ូតូម៉ាកហុងដាឌ្រីម ពណ៌ក្រហម សេរីឆ្នាំ២០២០មួយគ្រឿង ពាក់ស្លាកលេខ បាត់ដំបង1AK-9426 បើកបរដោយបុរសមិនទាន់ស្គាល់អត្តសញ្ញាណម្នាក់ ទិសដៅពីត្បូងទៅជើង លុះមកដល់ចំណុចកើតហេតុក៏បានជ្រុលចង្កូតទៅបុកគោយន្តកន្ត្រៃសណ្តោងរ៉ឺម៉កដែលចតចោលនៅលើចិញ្ចើមផ្លូវខាងឆ្វេងដៃបណ្តាលអោយស្លាប់ភ្លាមៗនៅកន្លែងកើតហេតុតែម្តង ។
ក្រោយពេលកើតហេតុ សមត្ថកិច្ចជំនាញ បានចុះទៅវាស់វែងធ្វើកំណត់ហេតុយកមធ្យោបាយទាំងពីរទៅរក្សាទុកនៅការិយាល័យចរាចរណ៍ខេត្ត ដើម្បីចាត់ការតាមនិតិវិធីច្បាប់ ចំណែកសាកសពត្រូវបានដឹកយកទៅរក្សាទុកនៅវត្តដំរីស ក្នុងក្រុងបាត់ដំបង ដើម្បីរងចាំស្វែងរកសាច់ញាតិមកទទួលយកទៅធ្វើបុណ្យតាមប្រពៃណី ៕
