.png)
ខេត្តបាត់ដំបង ៖
យុវជន០២នាក់ បានបោកក្បាលស្លាប់ភ្លាមៗ ក្រោយជិះម៉ូតូទៅបុកគោយន្តកន្ត្រៃពីក្រោយកាលពីវេលាម៉ោង ១៨និង២០នាទី ថ្ងៃទី១១ ខែវិច្ឆិកា ឆ្នាំ២០២៤ នៅត្រង់ចំណុចលូដាច់ ស្ថិតក្នុងភូមិស្ពាន ឃុំគាស់ក្រឡ ស្រុកគាស់ក្រឡ ខេត្តបាត់ដំបង ។
ប្រភពពីប្រជាពលរដ្ឋនៅកន្លែងកើតហេតុ បានប្រាប់ថាម៉ូតូម៉ាកហុងដាឌ្រីម ពាក់ផ្លាក លេខ ភ្នំពេញ 1AB-9394 បើកបរដោយឈ្មោះ ទេព គឹមលន់ ភេទប្រុស អាយុ១៥ឆ្នាំ និងអ្នករួមដំណើរឈ្មោះ មឿង រិទ្ធី ភេទប្រុស អាយុ១៦ឆ្នាំ បើកបរក្នុងល្បឿនយ៉ាងលឿន ទិសដៅពីត្បូងទៅជើង បានជ្រុលចង្កូតទៅបុកគោយន្តកន្រៃ្តពីក្រោយ បណ្តាលអោយដួលបោកក្បាលស្លាប់ទាំងពីរនាក់ភ្លាមៗ ចំណែកអ្នកបើកបរគោយន្តមិនស្គាល់(គេចខ្លួនបាត់) ។
ក្រោយពេលកើតហេតុសមត្ថកិច្ចជំនាញបានចុះទៅពិនិត្យវាស់វែង និងប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី ចំណែកគោយន្តនិងម៉ូតូយកទៅរក្សាទុកនៅអធិការដ្ឋាននគរបាលស្រុកគាស់ក្រឡ រងចាំចាត់ការតាមផ្លូវច្បាប់ ៕
