នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អំបុក ខាងមុខនេះ នៅផ្សារទំនើប អ៊ីអន ម៉ល ភ្នំពេញ នឹងនាំយកទស្សនីយភាពល្ខោននិយាយ រឿងព្រេងកថាខ្មែរ «មរណមាតា» ដែលមហាជនធ្លាប់ទស្សនាតាមឌីវីឌី មកសម្តែងផ្ទាល់នៅលើឆាក ដែលជាស្នាដៃដំឡើងមកដោយក្រុម ឥសីវ៉ូលេ។ នេះមិនមែនជាលើកទីមួយទេ ដែលផ្សារទំនើបខាងលើនាំយកទស្សនីយភាពភាពល្ខោននិយាយមកសម្តែងផ្ទាល់នៅលើឆាក ពោលគឺកន្លងមកផ្សារទំនើបនេះធ្លាប់បាននាំយកទស្សនីយភាពលោ្ខននិយាយរឿង «កំពង់ធំជំរំចិត្ត» ម្តងរួចមកហើយ និងទទួលបានការគាំទ្រពីមហាជនជាខ្លាំង។ យ៉ាងណាមិញ បើយោងតាមការបង្ហោះនៅលើទំព័រហ្វេសបុកផ្លូវការរបស់ផ្សារទំនើប អ៊ីអន ម៉ល ភ្នំពេញ បានអះអាងថា រឿងព្រេងកថាខ្មែរ «មរណមាតា» គឺជាមហាទស្សនីយភាពដែលមហាជនអ្នកទស្សនាពិបាកក្នុងការទប់ទឹកភ្នែកបាន ។

ដូចនេះ បើចង់ដឹងច្បាស់ថា ទស្សនីយភាពរឿង «មរណមាតា» ដែលសម្តែងដោយក្រុម ឥសីវ៉ូលេ ពិតជាមហាទស្សនីយភាពដូចតាមការលើកឡើងខាងលើនេះ ពិតឬក៏យ៉ាងណា កុំភ្លេចចូលរួមទស្សនាឱ្យបានច្រើនកុះករដោយសេរី នៅអគារថ្មី ជាន់ផ្ទាល់ដី ក្នុង ផ្សារទំនើប អុីអន ម៉ល ភ្នំពេញ នៅថ្ងៃទី១៤ ខែវិច្ឆិកា ឆ្នាំ២០២៤ ចាប់ពីម៉ោង ២រសៀលតទៅ ៕