រាជធានីភ្នំពេញ ៖ 

បុរសម្នាក់បើករថយន្ត រេចង្កូតទៅបុកថ្មពុះចែកទ្រូងផ្លូវ បណ្ដាលឱ្យរថយន្តក្រឡាប់ ផ្ងារជើង ទ្រមេឃ ។ហេតុការណ៍ក្រឡាប់រថយន្តនេះដែរ បានកើតឡើងកាលពីវេលាម៉ោង០៨និង២៥នាទីយប់ថ្ងៃទី២៧ ខែវិច្ឆិកា ឆ្នាំ២០២៤ ស្ថិតតាមបណ្ដោយវិថីកោះពេជ្យ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ 

តាមប្រភពព័ត៌មានពីពលរដ្ឋ បានប្រាប់ឲ្យដឹងថាមុនកើតហេតុ គេឃើញមានបុរសម្នាក់ សង្ស័យស្រវឹងស្រា បើករថយន្តម៉ាក តូយូតា កូរ៉ូឡាមួយគ្រឿង ពណ៌ឈាមជ្រូក ពាក់ស្លាកលេខភ្នំពេញ 2F-7479 បើកបរតាមបណ្ដោយវិថី កោះពេជ្យ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ បានរេចង្កូតទៅស្តាំ បណ្តាលឲ្យជ្រុលទៅបុករបាំងថ្ម ពុះចែកផ្លូវពេញទំហឹង ក្រឡាប់ផ្ងារជើងតែម្តង។ សំណាងល្អ មិនបង្កឲ្យនរណារងរបួសនោះឡើយ ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានី ភ្នំពេញធ្វើការវាស់វែង យករថយន្តទៅរក្សាទុកដើម្បីរងចាំដោះស្រាយនៅពេលក្រោយ ៕