.png)
ខេត្តបាត់ដំបង ៖
យ៉ាងហោចណាស់បុរសម្នាក់ បានស្លាប់ភ្លាមៗនិងម្នាក់ទៀត រងរបួសធ្ងន់ ក្រោយបើកបរម៉ូតូឡើងវ៉ាជែងមិនប្រយ័ត្ន ជ្រុលទៅបុកគោយន្តកន្រ្តៃនៅវេលាម៉ោង១៩និង៣០នាទី ថ្ងៃទី២៤ ខែវិច្ឆិកា ឆ្នាំ២០២៤ នៅលើកំណាត់ផ្លូវក្រាលគ្រួសក្រហមពីអក្សរតេ មកឃុំ ចែងមានជ័យ ត្រង់ចំណុចពីខាងត្បូងស្ពានមេម៉ាយ ស្ថិតក្នុងក្រុមទី៦ ភូមិ បុះខ្នុរ (អានថា បុស ខ្នោ) ឃុំ ចែងមានជ័យ ស្រុកបាណន់ ខេត្តបាត់ដំបង ។
ពលរដ្ឋនៅកន្លែងកើតហេតុ បានប្រាប់ថាករណីគ្រោះថ្នាក់ចរាចរណ៍ខាងលើនេះដែរ បានកើតឡើងរវាងម៉ូតូម៉ាក ហុងដាឌ្រីម ពណ៌ខ្មៅ សេរីឆ្នាំ២០១៩មួយគ្រឿង ពាក់ស្លាកលេខ បាត់ដំបង1AH -4316 បើកបរដោយឈ្មោះ វ៉ាត់ ជីវី ភេទប្រុស អាយុ២៤ឆ្នាំ រស់នៅភូមិសំបួរមាស ឃុំ ស្នឹង ស្រុកបាណន់ ខេត្តបាត់ដំបង ស្លាប់នៅនិងកន្លែងកើតហេតុ និងអ្នករួមដំណើរ ១នាក់ ឈ្មោះ ធុយ សុធាន ភេទប្រុស អាយុ២៦ឆ្នាំ រស់នៅភូមិធ្ងរ័ ឃុំចែងមានជ័យ ស្រុកបាណន់ រងរបួសធ្ងន់ បើកបរទិសដៅពីត្បូងទៅជើង ។
លុះមកដល់ចំណុចកើតហេតុបានឡើងវ៉ាជែងក៏ជ្រុលទៅបុកគោយន្តកន្ត្រៃសណ្តោងរ៉ឺម៉ក បើកបរដោយបុរសម្នាក់មិនស្គាល់អត្តសញ្ញាណ បានរត់គេចខ្លួនបាត់ ទិសដៅពីជើងទៅត្បូង ។
ក្រោយពេលកើតហេតុជនរងគ្រោះ ត្រូវបានបញ្ជូនទៅមន្ទីរពេទ្យខេត្តបាត់ដំបង ចំណែកសាកសពប្រគល់អោយសាច់ញាតិយករៀបចំធ្វើបុណ្យតាមប្រពៃណី ដោយឡែកមធ្យោបាយទាំងពីរយកទៅរក្សាទុកនៅការិយាល័យចរាចរណ៍ខេត្តដើម្បីចាត់ការតាមនិតិវិធីច្បាប់ ៕
