បាត់ដំបង ៖

កម្លាំងមូលដ្ឋានកងរាជអាវុធហត្ថស្រុកកំរៀង បានធ្វើការឃាត់ខ្លួនជនសង្ស័យ ចំនួន០២នាក់ ក្រោយធ្វើសកម្មភាពគាស់បន្ទប់សណ្ឋាគារចូលលួចយកទ្រព្យសម្បត្តិ ។

កិច្ចប្រតិបត្តិការខាងលើនេះ ធ្វើឡើងនៅវេលាម៉ោង ១២និង០០នាទី ថ្ងៃទី២៥ ខែវិច្ឆិកា ឆ្នាំ២០២៤ ដោយបានធ្វើការឃាត់ខ្លួនជនសង្ស័យចំនួន ០២នាក់ ដែលម្នាក់ឈ្មោះ ដន សាវិន ភេទប្រុស អាយុ៤២ឆ្នាំ មុខរបរមិនពិតប្រាកដ និងម្នាក់ទៀតឈ្មោះ ហ៊ី មករា ហៅ ហ៊ុប ភេទប្រុស អាយុ៣៣ឆ្នាំ ទាំងពីរនាក់រស់នៅភូមិដូង ឃុំបឹងរាំង ស្រុកកំរៀង ខេត្តបាត់ដំបង រួមជាមួយវត្ថុតាង  រូបចម្លាក់តាកំប៉ោងធ្វើអំពីឈើចំនួន០១ និងទូរទស្សន៍ ម៉ាកសាំសុង ចំនួន០១គ្រឿង ។

គួរបញ្ជាក់ថា កាលពីវេលាម៉ោង ១៦និង៣០នាទី ថ្ងៃទី២២ ខែវិច្ឆិកា ឆ្នាំ២០២៤ ជនសង្ស័យ ខាងលើបានធ្វើសកម្មភាពគាស់បន្ទប់សណ្ឋាគារមួយកន្លែងរបស់ឈ្មោះ ឆាយ ស្រីល័ក្ខ ភេទ ស្រី អាយុ៣១ឆ្នាំ នៅភូមិអូដាលើ ឃុំបឹងរាំង ស្រុកកំរៀង ខេត្តបាត់ដំបង និងបានលួច យករូបចម្លាក់តាកំប៉ោងធ្វើអំពីឈើ ចំនួន០១ ,ទូរទស្សន៍ម៉ាកសាំសុង ចំនួន០១គ្រឿង ,ដុំហ្វាយៗ ចំនួន០៣ដុំ ,ខ្សែភ្លើងមួយចំនួន និងឌីស៊ង់ទ័រសម្រាប់ទប់ភ្លើង ចំនួន០៦គ្រាប់ ផងដែរ ៕