.png)
រាជធានីភ្នំពេញ ៖
បុរសម្នាក់ បានបើកម៉ូតូ CVR មួយគ្រឿង តាមបណ្តោយផ្លូវជាតិលេខ៤ រួចមកឈប់នៅក្រោមស្ពានជ្រោយចង្វារ ក៏ឈប់ម៉ូតូហើយដុតកម្ទេចចោល រួចគេចពីកន្លែងកើតហេតុបាត់ស្រមោល ។ ហេតុការណ៍ខាងលើនេះដែរ បានកើតឡើងកាលព៏វេលាម៉ោង៤ទៀបភ្លឺ ឈានចូលថ្ងៃទី១១ ខែវិច្ឆិកា ឆ្នាំ២០២៤ ចំណុចក្រោមស្ពានជ្រោយចង្វារសង្កាត់ស្រះចក ខណ្ឌដូនពេញ ។
បើតាមការបញ្ជាក់ពីប្រជាពលរដ្ឋនៅកន្លែងកើតហេតុ បានឲ្យដឹងថាមុនពេលកើតហេតុ គេឃើញបុរសខាងលើ បានបើកម៉ូតូម៉ាកCVR មួយគ្រឿងមិនចាំស្លាកលេខធ្វើដំណើរតាមបណ្ដោយផ្លូវជាតិលេខ ៤ ទិសដៅពីជើងមកត្បូង ។ ខណៈមកដល់ចំណុចកើតហេតុក្រោមស្ពានជ្រោយចង្វា បានឈប់ម៉ូតូ រួចក៏ដុតម៉ូតូចោល បណ្ដាលឲ្យឆេះគ្មានសល់ហើយដើរគេចេញពីចំណុចកើតហេតុបានស្រមោល ។ សំណាងល្អ មិនមានគ្រោះថ្នាក់ដល់មនុស្ស ។
ក្រោយកើតហេតុសមត្ថកិច្ច ក៏បានចុះមកដល់រួចយកម៉ូតូដែលឆេះនៅសល់តិចតួចយកទៅរក្សាទុករង់ចាំទាក់ទងសាច់ញាតិ ឲ្យមកទទួលតាមក្រោយ ៕
