ថ្ងៃសុក្រ ទី25 ខែមេសាខាងមុខ គឺជាថ្ងៃខួបគម្រប់ 10 ឆ្នាំនៃគ្រោះរញ្ជួយដីកម្រិត 7.8 រិចទ័រ ដែលបានវាយប្រហារប្រទេសនេប៉ាល់ និងបានសម្លាប់ជិវិតមនុស្សរាប់ពាន់នាក់។ គ្រោះរញ្ជួយដីផ្ទួនៗ បានសម្លាប់ជិវិតមនុស្ស 9.000 នាក់ ប្រមាណ 22.000 នាក់ទៀតរងរបួស និងបំផ្លិចបំផ្លាញលំនៅដ្ឋានប្រមាណ 900.000 ខ្នង។ អង្គការសហប្រជាជាតិបានរៃអង្គាសប្រាក់បានត្រឹមតែ 13 ភាគរយនៃចំនួនទឹកប្រាក់សរុបដែលត្រូវការ គឺចំនួន 423 លានដុល្លារ ដើម្បីជួយប្រទេសនេប៉ាល់ ខណៈដែលរដ្ឋាភិបាលប្រទេសនេប៉ាល់បាននិយាយថា ប្រទេសនេប៉ាល់ នឹងត្រូវការប្រាក់យ៉ាងហោចណាស់ 2 ពាន់លានដុល្លារ ដើម្បីសាងសង់ផ្ទះ មន្ទីរពេទ្យ ការិយាល័យរដ្ឋាភិបាល និងអគារប្រវត្តិសាស្ត្រ ឡើងវិញ។
