យ៉ាងហោចណាស់មនុស្ស 19 នាក់បានស្លាប់ នៅពេលដែលយន្តហោះហ្វឹកហ្វឺនរបស់កងទ័ពអាកាសប្រទេសបង់ក្លាដែស ធ្លាក់ចូលទៅក្នុងបរិវេណមហាវិទ្យាល័យមួយកន្លែងក្នុងទីក្រុងដាកាកាលពីថ្ងៃចន្ទ ទី21 ខែកក្កដាខណៈដែលមនុស្សប្រមាណ 50 នាក់ផ្សេងទៀត ក្នុងនោះរួមមានទាំងកុមារ ត្រូវបានបញ្ជូនទៅកាន់មន្ទីរពេទ្យ។ ឧបទ្ទវហេតុនេះ កើតឡើងនៅមហាវិទ្យាល័យ ម៉ាលស្តូន (Milestone) ក្នុងទីក្រុង ដាកា របស់ប្រទេសបង់ក្លាដែស។ គួរបញ្ជាក់ផងដែរថា ឧបទ្ទវហេតុនេះ កើតឡើងក្នុងរយៈពេលត្រឹមតែ 1 ខែបន្ទាប់ពីយន្តហោះ អ៊ែរ អ៊ីនឌៀរ (Air India) បានធ្លាក់លើអគារមហាវិទ្យាល័យវេជ្ជសាស្ត្រមួយកន្លែងក្នុងទីក្រុង អាម៉េដាបាដ (Ahmedabad) របស់ប្រទេសឥណ្ឌា ដែលបានសម្លាប់ជិវិតមនុស្ស 241 នាក់ក្នុងចំណោមមនុស្ស 242 នាក់នៅលើយន្តហោះ។
