បន្ទាយមានជ័យ ៖
កម្លាំងកងរាជអាវុធហត្ថឃាត់ខ្លួនបុរស2នាក់ ដែលលួចនាំចូលទំនិញ ពីថៃដោយខុសច្បាប់ ជាប្រភេទទឹកដោះស្រស់ ត្រូវបានបញ្ជូនទៅសាលាដំបូងខេត្ត បន្ទាយមានជ័យថ្ងៃទី14 ខែកក្តដា ឆ្នាំ2025។
លោកវរៈសេនីយ៍ត្រី តាំង សុខហេង មេបញ្ជាការកងរាជអាវុធហត្ថស្រុកម៉ាឡៃបានប្រាប់ថា៖ ជនសង្ស័យ2នាក់មាន1.ឈ្មោះ រី ម៉ារីយ៉ុម ហៅប៊ី ភេទប្រុស អាយុ43ឆ្នាំ 2.ឈ្មោះ នាង សុខណា ភេទប្រុសអាយុ18ឆ្នាំ(ជាកម្មករ)។
លោក បានបញ្ជាក់ថា៖ក្រោយមានការណែនាំពីលោក ស្វាយ ជា អភិបាលស្រុកនិងជា ប្រធានគណៈបញ្ជាការឯកភាពស្រុកម៉ាឡៃ ដើម្បីទប់ស្កាត់ទំនិញដែលនាំចូលពីប្រទេសថៃ ដោយខុសច្បាប់ ជាការណែនាំពីរាជរដ្ឋាភិបាលកម្ពុជា កម្លាំងមូលដ្ឋានកងរាជអាវុធហត្ថ ស្រុក ម៉ាឡៃ បានស្រាវជ្រាវនិងកំណត់មុខសញ្ញាឃាត់រថយន្តមួយគ្រឿង ពាក់ផ្លាក់លេខ បន្ទាយមានជ័យ2B-7437 ដែលដឹកទឹកដោះគោស្រស់យីហោ “ម៉ីជិ” ចំនួន27កេស ស្មើ496ដប ដែលឃាត់នៅថ្ងៃទី13 ខែកក្កដា ឆ្នាំ២2025នៅចំណុចភូមិដូង ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។
លោកវរៈសេនីយ៍ត្រី តាំង សុខហេង បានបញ្ជាក់ថាក្រោយឃាត់, ជនសង្ស័យ2នាក់ និង រថយន្តមួយគ្រឿងដឹកទឹកគោស្រស់ចំនួន27កេសស្មើ 496ដប ត្រូវបាននាំយកសាកសួរ តាមចម្លើយសារភាពទឹកដោះគោស្រស់ត្រូវបាននាំចេញពីដេប៉ូពីប្រទេសថៃ ហើយនាំចូល មកកម្ពុជាពិតមែនបម្រុងនាំយកលក់ចែកចាយក្នុងភូមិសាស្ត្រខេត្តបន្ទាយមានជ័យ ត្រូវបានសមត្ថកិច្ចឃាត់អនុវត្តន៍តាមច្បាប់៕
