យោងតាមប្រភពពីអាជ្ញាធរប្រទេសរុស្ស៊ីបានបញ្ជាក់កាលពីថ្ងៃព្រហស្បតិ៍ ទី24 ខែកក្កដាថា យន្តហោះ អង់ការា អ៊ែឡាញ អែន 24 (Angara Airlines An-24) បានធ្លាក់នៅតំបន់ អាម័រ (Amur) របស់ប្រទេសរុស្ស៊ី ដោយបានសម្លាប់ជិវិតមនុស្សទាំងអស់ 49 នាក់នៅលើយន្តហោះ។យន្តហោះដឹកអ្នកដំណើរ 43 នាក់ និងសមាជិកនាវិក 6 នាក់ ហោះចេញពីក្រុង ខាបាវូហ្វ បានធ្លាក់ អំឡុងពេលត្រៀមចុះចតនៅអាកាសយានដ្ឋានក្រុង ធីនដា ខណៈដែលក្រុមស្វែងរក និងជួយសង្គ្រោះ បានប្រទះឃើញបំណែកយន្តហោះដែលឆាបឆេះរាយប៉ាយពាសពេញតំបន់ភ្នំ ចម្ងាយប្រមាណ 15 គីឡូម៉ែត្រពីអាកាសយានដ្ឋានក្រុង ធីនដា។
