គិតត្រឹមថ្ងៃច័ន្ទ ទី21 ខែកក្កដានេះ ព្យុះទីហ្វុង វីផា ដែលជាព្យុះទីហ្វុងទី 6 នៃឆ្នាំនេះ បានបណ្តាលឲ្យមនុស្ស 5 នាក់ស្លាប់ 7 នាក់បាត់ខ្លួន និងបង្កផលប៉ះពាល់ដល់មនុស្សប្រមាណ 80 ម៉ឺននាក់ទៀតនៅប្រទេសហ្វីលីពីន។ ព្យុះទីហ្វុង វីផា បានបង្កជាទឹកជំនន់ជន់លិចទូទាំងប្រទេសហ្វីលីពីន ដែលបង្កជាការបំផ្លិចបំផ្លាញដល់ផ្លូវ និងស្ពានរាប់រយកន្លែង។ ទន្ទឹមនឹងនេះ ការផ្គត់ផ្គង់ចរន្តអគ្គិសនី ត្រូវបានកាត់ផ្តាច់ជាបណ្ដោះអាសន្ននៅតំបន់ជាច្រើនក្នុងទីក្រុងចំនួន 115 ហើយលំនៅដ្ឋានប្រមាណ 1200 ខ្នង និងហេដ្ឋារចនាសម្ព័ន្ធចំនួន 44 ខ្នងទៀត រងការខូចខាត។ គួរបញ្ជាក់ផងដែរថា យោងតាមទីតាំងភូមិសាស្រ្ត ប្រទេសហ្វីលីពីរងការវាយប្រហារដោយព្យុះទីហ្វុង ឬព្យុះត្រូពិចជាមធ្យមចំនួន 20 ដងក្នុងមួយឆ្នាំៗ។
