មនុស្សយ៉ាងហោចណាស់ 6 នាក់បានស្លាប់នៅក្នុងហេតុការណ៍រត់ជាន់គ្នា បន្ទាប់ពីហ្វូងមនុស្សដ៏ធំ បានប្រមូលផ្តុំគ្នានៅព្រះវិហារមួយកន្លែង ក្នុងទីក្រុង ហារីដវ៉ា (Haridwar) ភាគខាងជើងប្រទេសឥណ្ឌា។ ភ្លាមៗ បន្ទាប់ពីកើតហេតុ ក្រុមជួយសង្គ្រោះត្រូវបានបញ្ជូនទៅកាន់ទីតាំង ដើម្បីជួយសង្រ្គោះ និងបញ្ជូនអ្នករងរបួសទៅកាន់មន្ទីរពេទ្យ។ គួរបញ្ជាក់ផងដែរថា ប្រទេសឥណ្ឌាជាញឹកញាប់ តែងតែជួបប្រទះករណីរត់ជាន់គ្នានេះ ដោយយ៉ាងហោចណាស់មានមនុស្ស 30 នាក់បានស្លាប់នៅក្នុងពិធីបុណ្យសាសនាមួយកាលពីខែមករា អំឡុងពេលដែលមានមនុស្សរាប់លាននាក់ប្រមូលផ្តុំគ្នា។
