លោកប្រធានាធិបតីសហរដ្ឋអាមេរិក ដូណាល់ ត្រាំ បានផ្ញើលិខិតពន្ធទៅកាន់មេដឹកនាំនៃប្រទេសចំនួន 8 ទៀត កាលពីថ្ងៃពុធ ទី9 ខែកក្កដា ដោយជូនដំណឹងដល់ពួកគេថា អត្រាពន្ធចាប់ពី 20% ដល់ 50% នឹងត្រូវគិតថ្លៃលើទំនិញដែលនាំចូលពីប្រទេសទាំងនេះ ចាប់ពីថ្ងៃទី 1 ខែសីហាខាងមុខ។ ប្រទេសដែលរងការដាក់ពន្ធទាំង 8 នោះរួមមាន ប្រទេសហ្វីលីពីន ប្រ៊ុយណេ ម៉ុលដាវី អាល់ហ្សេរី អ៊ីរ៉ាក់ លីប៊ី ស្រីលង្កា និងប្រេស៊ីល ខណៈដែលអត្រាពន្ធ 30% នឹងត្រូវដាក់លើប្រទេសលីប៊ី អ៊ីរ៉ាក់ អាល់ហ្សេរី និងស្រីលង្កា 25% លើប្រទេសប្រ៊ុយណេ និងម៉ុលដាវ៉ា 20% លើប្រទេសហ្វីលីពីន ហើយអត្រាពន្ធរហូតដល់ទៅ 50% នឹងត្រូវគិតថ្លៃលើទំនិញដែលនាំចូលពីប្រទេសប្រេស៊ីល ដែលនឹងចូលជាធរមាននៅថ្ងៃទី 1 ខែសីហាខាងមុខនេះ។
