ភ្នំពេញ៖ 

មានករណីហិង្សាមួយ បានកើតឡើង ខណៈដែលនារីរូបស្រស់ម្នាក់ត្រូវបានបុរសម្នាក់ទៀតទះកំភ្លៀងមួយដៃចំផ្ទៃមុខ បណ្តាលឲ្យមានរបួសស្នាមព្រោះតែរឿងជិះម៉ូតូអកហ្សឺ និងរថយន្ត។

ហេតុការណ៌ខាងលើនេះដែរ បង្កការភ្ញាក់ផ្អើលកាលពីវេលាម៉ោង១២:១៥នាទីរំលងអាធ្រាតឈានចូលថ្ងៃទី១០ខែកក្កដា ឆ្នាំ២០២៥ ចំណុចក្រោយស្ថានទូតបារាំង ស្ថិតក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។

បើយោងតាមការបញ្ជាក់ពីបុរសម្នាក់ បានឲ្យដឹងថានៅមុនពេលកើតហេតុ ខ្លួន បានបើក រថយន្តស៊េរីទំនើបមែកសឺដែស មួយគ្រឿងមិនចាំស្លាកលេខរួមដំណើរជាមួយនិងនារីរងគ្រោះម្នាក់ទៀតធ្វើដំណើរតាមបណ្តោយផ្លូវបេតុងលេខ៨០ទិសដៅពីកើតមកលិច ។

លុះពេលធ្វើដំណើរមកដល់ចំណុចកើតហេតុជាប់និងរបងស្ថានទូតបារាំង ក៏បានបួងចង្កូតរថយន្តបត់ស្តាំបម្រុងនិងចូលផ្ទះ។ ភ្លាមនោះដែរ ស្រាប់តែអកហ្សឺនិងម៉ូតូ១គ្រឿងមិនចាំស្លាកលេខ ជិះដោយបុរស២នាក់ឌុបគ្នាធ្វើដំណើរមកពីក្រោយផ្លូវត្រង់ ក៏អកហ្សឺគ្នាបន្តិចបន្តួច ។

បន្ទាប់មក ក៏ទាស់សំដីគ្នាមួយប្រាវ ហើយ បានបែកគ្នារៀងៗខ្លួន បន្ទាប់មក ក៏ភាគីនារី រងគ្រោះ បានបើករថយន្តចូលទៅដល់មុខផ្ទះ។ ពេលនោះស្រាប់តែបុរស២នាក់នោះ បានជិះម៉ូតូឌុបគ្នាត្រឡប់មកវិញ ក៏មានការសួរនាំគ្នាទៅវិញទៅមកកើតជាជម្លោះវាយគ្នាផ្អើលពេញភូមិ។ ភ្លាមនោះ ក៏បុរសម្នាក់ក្នុងចំណោមបក្សពួកម្នាក់ទៀតបានទៅទះកំផ្លៀងទៅលើនារីរូបស្រស់មួយដៃចំផ្ទៃមុខ បណ្ដាលឲ្យមានរបួសស្នាមហើយក៏បង្កទៅជាហិង្សាវាយប្រតាយប្រតប់គ្នាផ្អើលពេញក្នុងភីមិតែម្តង។

ក្រោយមក ក៏សមត្ថកិច្ចមូលដ្ឋានចុះមកដល់ រួចអញ្ជើញភាគីទាំងសងខាងនាំទៅប៉ុស្តិ៍ នគរបាលសង្កាត់ស្រះចក ដើម្បីធ្វើការសួរនាំបន្តនៅក្នុងករណីហិង្សាខាងលើ៕