បន្ទាយមានជ័យ៖
កម្លាំងកងរាជអាវុធហត្ថក្រុងប៉ោយប៉ែត ចាប់ក្រុមចោរលួចកាច់.ក.ម៉ូតូ ខ្មែរ.ថៃ៣នាក់ បញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៦ ខែកក្តដា ឆ្នាំ២០២៥។
ជនសង្ស័យ ១.ឈ្មោះ ផាវីត អាតអៀម (ខេត) ភេទប្រុស អាយុ៤៣ឆ្នាំ ជនជាតិថៃ, ២.ឈ្មោះ លេង ភារ៉ាត់ ភេទប្រុស អាយុ២៣ឆ្នាំ ជនជាតិខ្មែរ, ៣.ឈ្មោះ យៀង សុវណ្ណៈ (មិនសាង) ភេទប្រុសអាយុ២៧ឆ្នាំ។
លោកវរៈសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានឲ្យដឹងថា៖ ជនសង្ស័យទាំង៣នាក់ មានជនជាតិថៃ១នាក់ និងខ្មែរ២នាក់ បានធ្វើ សកម្មភាពលួច ម៉ូតូម៉ាកហ្សូម័រអ៊ិច ពណ៌សលាយទឹកក្រូច ផលិតឆ្នាំ២០១៧ ពាក់ផ្លាក លេខ បន្ទាយមានជ័យ 1k-9719 ចំនួន០១គ្រឿង របស់ជនរងគ្រោះឈ្មោះ មុត សេងគី ភេទស្រី អាយុ២២ឆ្នាំ កាលពីថ្ងៃទី១៤ ខែកក្តដាឆ្នាំ២០២៥ នៅចំណុចផ្សារដើមពុទ្រា សង្កាត់អូរជ្រៅ ក្រុងប៉ោយប៉ែត។
ពេលសួរនាំជនសង្ស័យ បានឆ្លើយសារភាពថា ពួកខ្លួនពិតជាបានលួចម៉ូតូរបស់ជនរងគ្រោះ ពិតប្រាកដមែន។ កម្លាំងជំនាញបានកសាងសំណុំរឿងបញ្ជូនទៅកាន់បញ្ជាការដ្ឋានកងរាជ អាវុធហត្ថខេត្ត ដើម្បីកសាងសំណុំរឿងបញ្ជូនបន្តទៅកាន់សាលាដំបូងខេត្តបន្ទាយមានជ័យ ចាត់ការតាមនីតិវិធី។ចំណែកម៉ូតូត្រូវបានប្រគល់ជូនម្ចាស់យកទៅប្រើប្រាស់វិញ៕